Editor in Chief: Ismael  Alwaely

Editorial secretary: Samer  Al-Saedi

Journalist: Makram   Salih

Journalist: Saif  Alwaely

Journalist: Ibnyan   Azeezalqassab

Editor: Aboalhassan   Alwaely

Reporter: Abdulhameed   Alismaeel

مقالات وأبحاث
الاثنين, أيار 1, 2023
الثلاثاء, نيسان 25, 2023
الأربعاء, نيسان 19, 2023
السبت, نيسان 15, 2023
الجمعة, نيسان 1, 2022
الأحد, آذار 13, 2022
الأربعاء, شباط 16, 2022
الثلاثاء, شباط 15, 2022
السبت, حزيران 3, 2017
السبت, أيار 20, 2017
السبت, أيار 13, 2017
الجمعة, أيار 12, 2017
الاثنين, أيار 1, 2017
1
2
3
4
5
6
   
ليالي قريش ١٦
السبت, آذار 28, 2015
مؤمن المحمدي

محصلش حاجة.
بمعنى إن اصطدام الكتلتين القريشتيتين حلف المطيبين بقيادة ولاد عبد مناف، وحلف الأحلاف بقيادة ولاد عبد الدار، ما وصلش لـ درجة القتال، أو الحرب الأهلية.

تقديري إن الحرب دي مكنتش ممكنة من الأصل لأن أي نتيجة مش في مصلحة حد. مفيش فريق من الاتنين كان ممكن، في حال انتصاره، يقدر يمشي الأمور جوه مكة وبراها من غير الفريق التاني بعد الحكاية ما توسعت، والتجارة المكية بقت دولية. ولا كان يقدر يأمن شر الفريق المنهزم لو انطرد مثلا زي الخزاعيين، فـ نتيجة الحرب أيا كانت هـ تبقى الخراب للجميع.

أومال كان لازمته إيه يشكلوا التحالفات ويعملوا فيها الظباط الأحرار ويهيجوا الدنيا على بعض؟

ببساطة لأن التلويح بـ القوة مطلوب حتى لو ما تمش استخدامها، أمريكا وروسيا عندهم نووي يدمروا بيه العالم في تلات ثواني، ومش بـ يستخدموه، إنما وجود النووي ده ضروري. كمان عملية الاستقطاب كانت ضرورية علشان الناس تعرف مين هـ يكون مع مين في وقت الجد.

طيب، إذا مفيش حرب حصلت الموقف رسي على إيه؟

حصلت تفاهمات بين دول ودول بـ مقتضاها تقاسم الطرفين مسئوليات القبيلة، ولاد عبد الدار خدوا الندوة واللواء وولاد عبد مناف خدوا السقاية والرفادة.

إحنا عارفين إن الندوة هي البرلمان القرشي اللي فيه تمثيل لكل البطون، واللي بـ ياخد القرارات المصيرية. واللواء زي ما هو واضح من اسمه المسئولية العسكرية، ولذلك كان لازم واحد من ولاد عبد الدار هو اللي يشيل اللواء في أي حرب، وده هـ يفضل لـ حد يوم غزوة بدر زي ما هـ نشوف. السقاية والرفادة هم مسئولية تنظيم موسم الحج، واستقبال الحجيج وأكلهم وشربهم وخلافه.

التقسيمة دي ممكن توحي بـ إن ولاد عبد الدار خدوا النصيب الأكبر، أو على أقل تقدير المسألة بقت مسومة بـ العدل، وجايز ولاد عبد الدار نفسهم فكروا كده، لكن ده مش حقيقي بـ المرة، لأن التقسيمة دي خلت مكة بـ أسرها في إيد ولاد عبد مناف، وفي خلال كام سنة بقوا هم حكام قريش تقريبا منفردين، ليه؟

لأن المسئوليات اللي خدها ولاد عبد الدار، رغم أهميتها، مش هي العصب. الإشراف على الندوة ما يخليكش صاحب قرار، لأنه فيه شرط إن القرار يطلع بـ الإجماع، وبالتالي الإشراف على دار الندوة بقى في جوهره أمر تنظيمي أشبه بـ سكرتارية للمجلس. واللواء ده معناه القرار العسكري، بس قرار الحرب نفسه قرار سياسي، مرتبط أساسا بـ حركة التجارة، المرتبطة بـ الحج.

وهكذا، المسئولية اللي خدها ولاد عبد مناف كانت هي صلب نظام الحكم القرشي، وده خلاهم مسئولين عن التجارة، وشوية شوية ولاد عبد مناف حكموا، وفضلوا يحكموا أكتر من 700 سنة، يمكن بـ استثناء الـ 12 سنة بتوع الخليفة الأول والخليفة التاني أبو بكر من بني تيم، وعمر من بني عدي، وكله هـ ييجي. غير كده كل الخلفاء كانوا من ولاد عبد مناف.

وطبعا مش محتاج أفكرك إن النبي اسمه محمد بن عبد الله بن عبد المطلب بن هاشم بن عبد مناف بن قصي ......

مين هم ولاد عبد مناف؟

عمرو بن عبد مناف، وده اللي هـ نعرفه في التاريخ الإسلامي بـ اسم هاشم بن عبد مناف.

عبد شمس بن عبد مناف، أبو أمية بن عبد شمس بن عبد مناف

المطلب بن عبد مناف (مش عبد المطلب)

نوفل بن عبد مناف، وده كان أخ غير شقيق للتلاتة الأولين.

تقدر حضرتك كده تعتبر إن ليالي قريش هـ تبدأ.

استنونا

 

مقالات اخرى للكاتب

 
أضف تعليق
نطلب من زوارنا اظهار الاحترام, والتقيد بالأدب العام والحس السليم في كتابة التعليقات, بعيداً عن التشدد والطائفية, علماً ان تعليقات الزوار ستخضع للتدقيق قبل نشرها, كما نحيطكم علماً بأننا نمتلك كامل الصلاحية لحذف اي تعليق غير لائق.
الاسم :

عنوان التعليق :

البريد الالكتروني :

نص التعليق :

1500 حرف المتبقية
أدخل الرقم من الصورة . اذا لم تستطع القراءة , تستطيع أن تحدث الصورة.
Page Generation: 0.44784
Total : 101