أتصل أحد ألأصدقاء , كَلي زاهد أسمع هاي الخاطرة ألي راح ارسلها لحبيبتي 
كَتله : خوش .. نسمع ونشوف ؟
كَال ( احبج أكثر من حب ابوج لامك .. واكثر من حبهم ألج .. وأكثر من حبي انا اليك يا حبيبتي .. تدرين أحلى شيء بالدنيا تلك اللحظة التي اجتمع فيها والديك ليلا .. حتى تأتي انتي بعدها للحياة)
كَالي .. شنو رأيك ؟
جاوبته : تكَدر أتكَلي أتعس لحظة بالكون ؟؟
كَال : ما ادري بس أنت كَلي ؟
جاوبته : أتعس لحظة مر بيها الكون كلهُ . تلك التي أجتمع فيها أمك وأبوك . وجابوك للدنيا ..! ثانياً أشلون أتحبها أكثر من حبك لها ؟؟ 
كَال : مو أحبها وتحبني . أريد أخليها أتحبني أكثر ؟؟
كَتله : هي هم أتكَلكَـ هيج كلام ؟
كَالي : لا مرات من نطلع تلتهي هي بالموبايل واني أسولف ؟
جاوبته: خوش لعد كَلها أحبج أكثر من حبج للموبايل والرسائل مال تالي الليل من كافة الأطراف المتنازعة عليك .
وبعدها أنكَطع الخط مال الموبايل ألاكَشر وضل بالي يم صديقي....!! 
....
سلامات صديقي .. اخ منك يالساني