اكو ملك يحب الصيد وجان عنده وزير اسمه وزير الطقس يشوفله الجو زين لو لا وفد يوم الملك راد يطلع للصيد هو وزوجته وكام الوزير وشاف الجو وكال للملك الجو حلو وطلع الملك وهمه بنص النهار صارت عاصفة قوية والملك وزوجته تمرغلوا بالطين والوحل ..

المهم راحوا وشافوا كوخ بيه شايب وكله اني الملك ورحب بيهم وسأله الملك شتشتغل كال اشتغل بالصيد,, كاله ليش اليوم ماطالع كله الجو موزين وماطلعت كله الملك شمدريك ..؟ كله المطي مالتي كلي ..!! الملك تعجب وكال اشلون؟؟!! الصياد كال من اطلع واشوف المطي رافع اذاناته يعني الجو موزين واذا منزل اذاناته يعني الجو زين واطلع للشغل .. الملك كام طرد وزيره واخذ الصياد مستشار والمطي مالته وياه تعيّن وزير للطقس .. ومن ذاك اليوم لهسه المطايا لكوا شغل بمناصب عليا
وصلت الفكرة؟؟؟؟