عليمن نعتمد ، وإحترنه بالتفكير
حراميَّة أمس شو صاروا انواطير

لا صارت ولادارت ولا ايشبعون
موبس بوگ صاروا بالدمه يشربون
عشر سنين مرَّت گلنه هَمْ اتهون
شو باقين نفس الطاس والچفچیر

عدمن نشتکی عد یاوحش یاحوت ؟
ياهو التتِّجهله ايصيرلك طاغوت
وحصتك ياشعب من النفط ، تابوت
وحتَّه اعله الخشب عين الحرامي اتْدير

أبو التزوير ناجح بس إله التعيين
لأن بالنهب عدهم خبره مختصِّين
كلها ابراس شعب اعراقنه المسكين
تُربه اكروشهم ، والشــــــعب للتدمير