سؤال يردده ويكرره دولة رئيس الوزراء بعصبية وانفعال ومزاج سيء على " العراقية " بحضور أهل النفط في محافظة ذي قار .
بشرفك حجي جاي تحجي صدك ؟ أشو يكشفون بهالمفسدين وإنت تتستر إعليهم , لو تشردهم للندن , لو تطلعهم تقاعد , لو تحصل إلهم براءة , لو تنكر همه مفسدين , لو متدير بال .. وتكول ماكو دليل !
وإذا كامت محطة فضائية تساعدك وتسويلك برنامج يومي , يكشفلك المفسدين بالوثائق والأدلة والتواقيع والإعترافات والشهود .. تروح انت إلهه بالليل وتصادر أجهزتهه وتعتدي على إستوديوهاتها , وتطرد اللي يشتغلون بيهه , وتطوقها وتكوم إتصيح الداد منهه , وتخللي الناس كلهه متعجبة من تصرفاتك !
حجي ليش متبطِّل هاي السوالف وتكعد راحة إشويّة بروحه لذاك الأبو ؟!