1- المرشحين راح يمشون للامام الحسين ويخدمون الزوار مو حب بيهم بس حتى يصيدون غشمة وناس على نيتهم بسطاء واغلب ذولي المسؤولين راح يلبسون اسود ويخلون الحسين يافطة انتخابية او خلفهم يخلون لا يوم كيومك يا ابا عبد الله (مؤمنين مو بيدهم) 
2- راح يسوون الهم مواكب باسمهم وصورهم حتى ينتخبونهم من جديد(نفس الطاس ونفس الحمام) ويوزعون للناس هريسة وقيمة وتمن وبرتقال وشربت راني مع العلم الحسين والعباس بريء منهم الى يوم الدين
4- المسؤولين نفسهم خطية راح يطلعون متاثرين كدام كامرات قنواتهم الفضائية يبجون على الحسين وما يبجون على الفقراء الي مات من اجلهم الحسين واهل بيته .. 
5- راح تشوفون ذولي المسؤولين اتقياء انقياء وجوه يعلوها البياض وخدوهم حمراء منفوخين من كل الجوانب وكولها داكه يا حسين بضاميرنا لياسين الرميثي وحرام ضمائر ما عدهم اعلموا يا سادة يا كرام ان هولاء هم من شاركوا بقتل الحسين بطريقة او اخرى يومياً ..

منقول من الاعلامي قحطان المالكي .