گال آنه لأجـل الوطن ++ مخلص
انتخبته وبعتقادي إلي ++ مخلص
شو تالي طلعلي نذل ++ مخ لِص
فكره وعقله بس يبوگ بيَّه
****************
نحنوا اتگول بس للشعب ++ ونته
ولا مرَّه عرفت الألم ++ ونته
انا الجوعان والعطشان ++ ونته
تضرب لحم والعظمات إليَّه
**********
مدري اشصار بالدنيه ++ وشجره
اليعمل خير هم نعرف ++ وش اجره
لون كلمن زرع نبته ++ وشجره
تصير الدنيه مخضرَّه اوزهيَّه
************
دارميّات
*********
شفنه البعض هاليوم ++ غبره او تعيسه
مثل الوحوش اتحوم ++ حول الفريسه
*********
سلميَّه وتخافون ++ مو وضع دامي
ابرعب وترجفون ++ چنکم حرامي
************
البعض علَّگ راح ++ خارج وطنَّه
من عرف موش ابعيد ++ صحوة شعبنه
*******************
* الخاتمة *
*******
ابعمري ما شفت مرّه ++ بلحـمار ..... تَمُر مُر
گمت اكتب عله الحايط ++ بلحمار ....... باللون الأحمر
انتخيت المطي گالولي ++ بلحمار !!
عدا الزگطات .. شتحصِّل هديَّه