شباب اكو واحد يعرف شكد سعر الستوتة؟؟
هسة تكولون ليش!!
في الصورة كل من عسل وعلي وسجاد
قبل فترة اشتريت سخان (كيزر) للبيت واجرت ابو علي ابو الستوته بس لاحظت شايل وياه اطفاله وعساكم لتشوفون حالهم..
كتله خوية صدك جذب المن جايب اطفالك وياك وليش هيج حالهم وليش متخليهم بالبيت!!
ضربته طلقة بسؤالي ...كال امهم ماتت بحادث سيارة ..تزوجت مرة ثانية كمت يومية من ارجع الكه بنتي عسل جسمها مليان كدمات...حاولت اخلي حد ما صار...الى ان صرت بين خيارين اطفالي او زوجتي الجديدة وشفت اطفالي اولى وطلقتها...خليتهم يم الجيران او اقاربي مارهمت...واخاف اخليهم بالبيت لوحدهم واني عيشتي تقطير لذلك فضلت اجيبهم وياي للشغل!!
انطيته اجرة النقل وراح بحال سبيله رجعلي ورة نص ساعة كال...خوية انته غلطت وياي بالحساب ومنطيني زيادة واذا متقصد تنطيني زيادة اني ما اخذ صدقات!!
وبما ان الفقير بالصحراء وضربه شباج
فقد بلغني اليوم ان ابوعسل مسروقه الستوته مالته من خلال نفس ابومحل الكهربائيات المنزلية اللي اشتري منه..
من يريد مشاركتي شرف مساعدة هذا النموذج العزيز الذي يجلب رزقه بعرق الجبين فاليتفضل....نشتري له الستوته وناخذلنا فره بيها ونصفق ونرقص مع عسل وننزل صورنا هنا على الفيس لاشاعة روح التضامن الفعلي لا التسفيط فقط !! ومن لايريد ولا يستطيع فشكرا لتعاطفه فقط وساشارك عسل الرقص في عربة ستوتة بابا الجديدة لوحدنا فقط!!