(إلى جميع الأحبة والأصدقاء سوف أسافر إلى خارج العراق,وقد أنقطع عنكم يوماً أو يومين. ولكني سوف أعود أليكم لأنكم الأجمل.سوف أكتب عن كل شيء يجري خلال سفري فيها , بل أدون أبسط الأشياء وستكون الكتابة من اللحظة التي تركت فيها البيت , ولن تنتهي الكتابة إلا حين عودتي للبيت مرة أخرى).
أيباااه .. أشوكت اكتب بالفيسبوك هاي المقدمة ومن صدكَ أسافر. ونشوف ابو خيمة الزركَة شخالق من بشر.. وكذلك نشوف العالم الذي يتطور كل لحظة إلا نحن نعود للوراء بأسرع من البرق..وهناك اكَعد الصبح أشوف شارع بي خير وزرع بكل مكان ..ومن أشتري حاجة ميچذب البائع ويكَلي رورح عمتي هاي أصلية ..وشرب جكَارة ما مضروبة لأنه تعبنا من ضرب البواري الحكومية والتجارية بالعراق. وبنفس الوقت اكَعد هناك بمقهى او أي مكان وما أسمع نفس السوالف (كَالت الحكومة .. والوضع الأمني .. وشلون الدايحين والمطيرچية والهتلية صاروا وزراء)..اشوف واسمع كل شيء جديد ينبض بالحياة . واعمار وبناء ومدارس ومستشفيات وكلشي وكلاشي .. مو مثل هنا إذا طلع أي مسؤول وتحدث ووعد بالانجازات والأعمار والأمن والاستقرار.. يعني (چذاب ونص) لان العمل الصحيح ميحتاج مقدمات .. بس تعال فهم حنقبازية المنطقة الخضراء .. وبعض المسميات التي منذ أيام تحرق الاخضر واليابس لكونها لم تحقق ما تريده من مناصب وكراسي.
سلامات يا حلم .. اخ منك يالساني