وضع أمني خطير..وزراء بحكومه أبو سراوي كش ملك..الكورد ويه العراقيه ويه الصدريين ضد أبو سراوي..الشعب الخايس دايخ وميعرف شديصير..يا عراقيين ديرو بالكم من يوم دامي راح يجي..لان البعوره كلها منشغله بالانتخابات وهاي فرصه للقاعده والميليشات اللي تحميها الحكومه.. عدوى التظاهرات راح تنتقل الى وسط وجنوب العراق..لان الناس طكت روحها من الوضع الجايف ومن خياس حكومه أبو سراوي..أذا راح أينفذ أبو سراوي الخطه الجهنميه ويفوت عالمتظاهرين وبيك وبالطنب..يعني راح تروح ناس وذوله عشاير ومتخلص منهم يا أبو سراوي..وتصير مجرم حرب وتالي أتصير مثل صديم ونلكيك بكهف بطويريج..وأذا تبقى أتباوع عليهم هم ميصير..شلون راح تبقى مثل بلاع الموس..أول مره كلنالك يا أبو سراوي يا ورده..تره مطالب المتظاهرين صحيحه وتكدر تنفذها وبسرعه وتخلص من كلشي..وأنت هيجي هيج راح تنفذ كلشي وغصبن عليك..شوف الكورد منرادو حقهم مثل الكرته نفذتلهم..صحيح ردت تاخذ بوشهم سنين بس أنت مثل وحده تشتهي وتستحي..ودفعتلهم مستحقات الشركات النفطيه لان أكو ناس شويه عقلاء بالتحالف الوطني كالولك لتسوي مشكله ويه الكورد لان تحتاجهم بعدين..مو صحيح أبو سراوي..

اللي بقالك قليل ..والانتخابات بنيسان أني متأكد راح تخسرها مو عبالك الشعب النتن والفقاعه راح أيسامحك على هدر المال العام والبوك والخياس اللي صار بمعيتك وميليشياتك اللي ترعب الناس الطيبه وتصفيهم لان أيخالفوك بالرأي..شكد مرت عالعراقيين حكومات مثل حكومتك الفاسده ماكو وراح نتذكرها بألم لان أحنه سبب صعودك وخليناك توصل للحكم..بعد أغسل أيدك أبو سراوي..وهم راح يجي اليوم اللي أنشوفك بيه بره..لان الشعوب تمهل الحاكم الظالم فتره..بس من تنكلب عليه كلبتها كلش تخوف يا أبو سراوي..

حتى المقربين منك أيكولون هذا الرجل أتفرعن وصار طاغي والطغاة يا أبو سراوي مكانهم الزباله اللي أنت مشايفها شلون ترست شوارع بغداد الحبيبه ..والعطاله والبطاله مالين الشوارع ..وأكو سالفه بعد أخطر من الفساد أكو بالعراق تتعاون ويه أسرائيل وديسون شبكات ضد الشباب وبشكل خاص من خلال بيع أشرطه أباحيه وحبوب منعشه وين بكربلاء والنجف ومحافظات الجنوب وأكو ناس تزرع الافيون وتجي من أيران وعدها شتلات وتبيعها على ناس أيعرفوها بمحافظاتنه ..يعني بصريح العباره القضاء عالشباب اللي معنده عمل وكاضيها بالكهاوي ..وأحب أبشرك بس بالديوانيه صارت نسبه الفقر والناس الجوعانه 40 بالميه وبالناصريه 38 بالميه والسماوه 45 بالميه وأذا تريد أدزلك قائمه بمستويات الفقر والعوز بالعراق أنا على أستعداد أبو سراوي..كلكم حراميه وما بيكم واحد خير..ليش..شلون ترضى وأنت تصلي وتوكف بين رحمه الله وتشوف هاي الناس التعبانه والمريضه والجوعانه وبس نثريات مكتبك مليارات الدولارات على شنو حتى تتبرع بيهم للصومال وجيبوتي لو حتى تبني بيهم مدارس ومستشفيات ودور للناس اللي كاعده بالشوارع..شلون تريد الله يغفرلك..ما أدري شلون تقبل المرجعيه على هيجي شي..وهذا معناه أنو أبو سراوي متفق وياها حتى تغلس عليه ..حتى أذا أتريد المرجعيه شيعي بس هوايه أكو شيعه تخاف الله يا سيستاني..خافو الله ورسوله يا ناس وصيرو منصفين لهذا البلد اللي دمرتو وحلبتو نفطه..الله يلعن النفط اللي صار نقمه عالعراقيين..

وما خفي كان أعظم