أطش اعيوني بدروبك
بلکت تعثر ابريحة جدم منك..
ونشف دمعة البيها
خافن سچه مرطوبه 
تعثرك من تمر بيها..
وگول اترد
ولملم روحي للملگه
وحني جفوفي للشبگه
وشتل عالجفن بيبان
بلكت باب اليخضر
تشوفه وتعتني ادگه !!!
وغمض عيني ابحرگه
هلبت طيف مر بيك ويمر بيها..
یناغیها..
ويشح الطيف..
وخيط للعتب قمصان
ألبسهن جنح طيفي ..
وطيح اعليك
الكاك ابضريح الشوگ
صاحي ابعين شمعة وصورتي اگبالك
اثاري الليل كله اثنينه امسيسين
واحد ينطر الثاني..
امساهر ليله ويتاني 
يمر طيفه عله الثاني !!