انتظار الامل فمنذ عام 2003 وسقوط عرش الاستبداد ونحن كشعب واحد نحلم حلم موحد هو الحياة الحرة الكريمة هذا ماوعدنا به الفاتحون وماخلفهم من امثال جدي حنش على ارض السواد . وعود واحلام وردية رسمها لنا ساسة العراق الجديد الكل بلا استثناء من يتحدث عن بناء دولة يتمتع فيها المواطن بكرامه ومنهم من وعدنا بان نكون ملوك الارض ووووو... الان ساحكي لكم قصة جدي حنش , انتشرت في الاونة الاخيرة مقاطع فيديو على شبكة الانترنيت(الحسنة الوحيدة للشعب بعد سقوط الصنم) تخص احد ابناء بلدي العزيز وهو يحاول ان يرسم الابتسامة على وجوه من حوله وهو يروي روايات كاذبة عن جده وهو يصدق مايقول (مايختلف ذرة عن ساسة العراق يكذب ويصدق كذبته).. طبعا هذا حنش غالب كريندايزر 10-0 .. اتخيل يندعم بالكرمة بدراجته يطلع من الزبير .. يغوص بالصين يطلع من ام قصر ... بس بصراحة حنش هواي ممصدكين بقضيتة لكن احب اكوللكم احنة عدنة حنش حقيقي بدمه وبلحمة وبكامل مواصفاته الا وهو ( حنش المالكي ) ابو سريوة يبعد الروح والمشكلة حنشنة مدعوم بادلة وبراهين ويقود وزارة الدفاع والداخلية والامن الوطني والمخابرات ورئاسة الوزراء ورئاسة حزب ومافيات وخياط دشاديش بجزر القمر .... وفوك هاي عندة قابلية على تحمل الرزايل احسده عليها .. لا والاكثر شكد يجذب ... حنش اروحلك فدوة بالعباس احنة شعب حديده على الطنطل على كولة حجيتنه .. وانتة مشلغم صارلك 8 سنين .. روح بداعت امك .. روح واعبيلك رصيد فدوة لكرعتك. هسه عرفتو منو جدي حنش وليش جان يجذب ؟؟؟ وفي الختام وبعد هذا المقال لايسعني سوى ان اقول الله يرحمني .