آخر السوالف بيني وبين روحي
:::::::::::::::::::::::::::::::::::::::
انا: والله يا روحي مشكلة هاي مشكلة البلد
روحي: شخيرك اليوم
انا: لا هيچ، حسبه
روحي: يالله فضه، خالنسمع
انا: خوش خوش، هم خابصة رويحتچ، سمعي
شنو رايچ لو كل ما يجري مدبر، يعني مثل ما يقولون "أمر دبر بليل"
روحي: ها شلون!؟
انا: سمعي يا بعد روحي روحك، زيارة قيادة الحشد الشعبي العسكرية للمرجعية لمناقشة دعم الحشد والاصلاح الحكومي هاي واحد
روحي: فضها مو شلعت قلبي
انا: هسه انطمري وسمعي، السكوت عن رئيس قائمة ممثل المرجعية صاحب تصدير الكهرباء هاي ثانيا.
زين، اخفاق الكهرباء وشحة الاموال وجولة التراخيص في السنوات الثمانية الماضية ليشششششش مسكوووووت عنهااااا
شو صفني يا رويحتي شوي وي رويحتچ...
روحي: ها.. خايب اسكت.. انت شني حقدك.. هاي المرجعية والحشد شلون هيچ تفكر.. لا رويحتي ولا بطيخ استر علينا.. انا لا رويحتك ولا اعرفك.
انا: ها ها بويه، هو بيني وبينچ ياهو سامعنا؟ اكول ماكو احتمال انه امر دبر بليل
رويحتي: اسكت اسكت كفنا شرك
انا: خوش، لا دبر بليل ولا شي
فلتحيا جولة التراخيص.. راضية هسه
روحي: عفية السباعي ابقه نايب بالاستثمار واسكت

Haider Ali