يگلك وره السقوط فد شيخ عشيرة گال لربعه أريد أطور العشيرة وأخلي سمعتها تصير عالمية.. شنو تقترحون نسوّي ؟
گلوله محفوظ.. أحسن شي الطوبة.. نسوي فريق كرة قدم ونتحدى بي البرازيل اللي خابصينا بيها ونفوز عليهم ونصير أشهر فريق بالعالم وهچي عشيرتنا تصير أشهر عشيرة بالعالم !!
گلهم خوش توكلوا على الله..
الجماعة بيومين سوّوا الفريق ودزوا فاكس للإتحاد البرازيلي وگللولهم إحنا أحسن منكم وإذا متصدگون الملعب بيناتنا ونشوف منو الأحسن ؟!
الإتحاد البرازيلي فكر بالشغلة وفروها بروسهم وقرروا قبول التحدي وگالوا خلي نلعب وياهم ونسحگهم زين حتى لحد يتجرأ ويفكر هچي بعد..
المهم إتفقوا وصار يوم المباراة.. مدرب فريق العشيرة (جاسم السمين) گعد ينطيهم المحاضرة قبل المباراة وگلهم شوفوا.. تره هذوله بوخه بس عدهم واحد سريع إسمه رونالدو.. هذا كلش خطر وأريد المدافعين وخصوصا إنت ( كويظم ) تگطعون عنه الهوه والماي وهسه تشوفون شراح نسوي بيهم.. خوش ولدي؟!
خوش إستاد..
بلّشت المباراة.. أول ربع ساعة روبرتو كارلوس دگ أوڤر على راس رونالدو فصعد وياه كويظم يريد يگطعها.. چان يلزگها بالتسعين على فريقه..
تقدمت البرازيل واحد صفر بخطأ كويظم.. وقبل نهاية الشوط الأول بدقيقتين كافو دز أوڤر ثاني لرونالدو وهم صعد وياه كويظم وچان يلزگها بالتسعين ردود هدف ثاني للبرازيل !!!
إنتهى الشوط الأول ثنين صفر للبرازيل.. طبعا النتيجة جيدة ومشجعة لحد الآن وممكن التعويض نظريا على الأقل.. فگعد جاسم السمين يشد أزرهم ويطلب منهم يشدون حيلهم أكثر بالشوط الثاني وگلهم الله يعوض إن شاء الله.. بس عدنا تغيير بسيط بالخطة..
شنو أستاذ ؟
گلهم بويه.. إنتوا المدافعين أريدكم بدل ما تلزمون رونالدو.. إلزموا كويظم
................
هسّه ولا سالفة العبادي 
بوية بطلّنة عوفوا الإصلاحات والفساد ولزمونا حيدوري ... ترة طلع بينا كول راح ياكل حتى رواتبنه احنا الموظفين...

انقلها كما وصلتني من احد الشجعان