عرضت قناة العراقية التابعة للحكومة ( الدعثية )، مقاطع لقاء مع سماحة القائد نوري الطويرجاوي هدد بيها المخانيث الي بالبرلمان انو راح يقلب الدنيا عليهم قلب..!!، هسه شلون راح يقلبها،  الله ونوري وسراوي بس هم يعرفون، وما وضح الحجي  راح تنقلب بس بالعراق لو يشمل دول ثانية؟، مو مهم ننتظر اللقاء اليوم ونشوف شراح يسوي ابو سريوه بالعراق بعد.

هسه لو نوابنا يبطلون يدزون استجوابات واستفسارات واستفهامات للحجي ابو اسراء ويحترمون نفسهم وياكلون ويوصوصون احسن الهم، بس السؤال الي دوخني بصراحه، شلون راح يقلبها عليهم الحجي؟، من سمعت اللقاء ولحد الان دايخ يعني معقوله راح يقلبها نوري؟، زين هو اكو شي باقي حتى يقلبه، يمعود اعصابك استاذ جواد  متسوه وداعت عيون سرواي، تره مبقة شي تقلبه العراق كله من ساسه لراسه مقلوب، بس انت وكرايبك ولوكيت الدعوة مالتك عايشين والبقيه كاتلهم الضيم، لاتقلب ولاتسوي شي، الدنيا مقلوبه علينا، واذا انحصرت كلش كلش وردت تقلبها، يمك الحجيه وقلب بيها براحتك تره احنا صارلنا اربعين سنه نتقلب على نار البعث، العفو جرحتك البعث صارو رفاقك بعد منكدر نجيب طاريهم وتحياتي.

العراق المليوص