طريقة ولادة حزب هي كالتالي: مجموعة لصوص على قتلة على بائعي ضمير على سماسرة ، على تجار  فاسدين، على كاتب ما كاتب شي بحياته. تتفق تسوي نظام داخلي ومؤتمر عام وتنزل بيان وكم منشور وتروح لدولة عدهة الف حساب وحساب  تگــله احنا فتحنا " مول سياسي " ونريد دعمچ . يصير الاتفاق . انطونا و ننطيكم.  الدولة الصديقة . تنطي فلوس " ترجع الها بعدين " والاحزاب الصديقة تنطي شرفها " وبعدين توصلها للسلطة  وتكلها اشتغلي عدل. وتسيطر على الثروة والمال والقرار والمؤسسات. وتصير منافستها مستحيلة .  واذا الدول الصديقة متقاسمة الوضع فما راح يطلع حزب جديد " وطني "  الا اذا الشعب صار واعي وعرف شلون باكو فلوسه وخنكوا روحه  وبهذلوا حالة ، وهاي مستحيلة . ومادام ماكو حزب جديد " وطني"  فالامور تبقة على حالها. الشعب ملعون والديه والاحزاب مبربعة ولا هامهة شي.