| شعر شعبي: كله خرط... مؤيد حميد |
هوب هوب كله خرط حكومه بس بيها الخمط والبرلمان البارحه ضرط سد الكبنك وراح ومعمم مرح وكال الرجعه هم بشرط والنايبه أتمشط شعرها بمشط وصرخت وكالت كله ربط أزنيف نلعب يا رهط لو أحنه بوكت كله خرط
وعدنه قطط همها بس الشفط والشعب دايخ وعايش بالقحط ياكل نعل ياكل زلط وأبو أبوه أنسمط أنعل أبو النفط أشفنه منه بس اللفط عركات وبوكسات وشمر أحذيه والشعب بالوسط رابطين أيده ربط واحدنه خلوه يشمط شمط دهم وأعتقال من غير مذكرة أحضار وضبط والشعب كعد أبيته وبرط تره هذا كله خرط
جم ألف من عدنه سقط وجم ألف عائله أنجرت شحط راح الشفط وهسه المعط مليارات طلعت وبجنط بلوكات مرصوصه وفرط وين المي وين الكهرباء وين الخطط تره هذا كله خرط |
