| على لسان الفائزين الجُدد في الإنتخابات... شعر: جواد القابجي |
أبوذيَّه *********** حگ الشعب مو جِديَه ++ ولمنه ** ولا منَّةً وســـــــقط كلمن يعادينه ++ ولمنه ** وآلمنا ابشرف لعراق يجمعنه ++ ولمنه ** لم شملنا وحدة شعب ضد الطائفيَّه ************* إجينه او للتقدُّم لازم انســـــــــــير ابدرب موحش اوبِي كثرة محاذير ***************** أوَّل نظره تِتبَصـــــــرها هالناس النزاهـــه والعداله القِمَّة الراس نصير الكل حقوق الناس حُرّاس چالیش احنه سمَّيناه تغيير .. ؟؟ ****************** إجينه اوچلمة الحق لازم اتسود موبأأأس عالورق نكتبها لِعْهود إحــــــنه للوطن ، خِدّام وجنود وهل الوطن لينه اعيونها اتّدير ************ نقود الشــــــــعب بنفوسٍ أبيَّه نخــــط ثورة الحُـــب الواقعيّه بين الشــــــــعب ضد الطائفيَّه وما بين الشعوب اعراقنا اچبیر *********** تعهُّد ثوره نصـــــبح على الفُسّاد نگص إيد الحرامي السرق لعباد وفلوس الشعب ، للشـــعب تنعاد ولثرواتنا انصـــــــــــــــــــــــير النواطير |
