الزايره بدريه جيرانه اتسولف ذاك اليوم لحبايبهه برأس الدربونه...خيبات جيره بفروگچن چا ماچيتن ويانه للنجف.. زرنه على حساب السید وعشانه سوده عليه من چيبه وچيب الخلفوهه ..شلون كوباب ايخبل والصبح ريوگ گيمر .. وانوب كيك شحلاته وببسي من طبينه للغاعه... وبتنه بالفندق هم على حساب السيد بعد اهلي... واحنه هم ماخذين كيلوین فستق ويانه بچياسه حتى نتلههه بيه ... وهو وربعه الشيوخ الله يجثرهم گامو يثرمون بروسنه بصل... يمااااااه هاكثر يهذوون..موتونهه وعلی انوب اختي چانت وياي وهاي ماتحمل تگعد ساعه ايصير عده ثول وتنعس وتمد السانه اتگول عدهه طحال..هي كون بيه خير چان كملت ابتدائي... انه عود اخير منه خلصت اول متوسط وخطبني ساجت البيضاني وسويتله عشر فروخ ست بنات وأربع ولد...

صاحبته گاتله خيه عوفينه من التچعبن وسولفيلي بعد شسويتن..

اول هيل رحنه العصر وعشونه وگالو الصبح تعالن ثمانيه ونص.. واختي كشكوليه ودگ فچ وضحچ للصبح ..ادور رحنه للمحاضره الصبح معلسين من النعاس.. واختي سوده عليه ظلت تفتح عيونه گوه واني اجيب واذب عليه فستق گلت خاف تنام وتشهرنه گدام شبل المرجعيه ...

خوش وتالي... شنو تالي ثلنه وروسنه اوجعتنه من مصباح الله لمن وذن المومن وهمه كل شويه وگام مله واخذله كتر وظل ايعذرب علينه واني واختي مثل الاطرش بالزفه...بس انلوغد.. وكل شويه وغفينه..




افتهمتو شي شيريد... ياااا دخيل بخت جده ...شفتهمنه عبينه نترست كشور فستق واني ادحس بالكشور جوه الكرسي تالي گبل الوذان اچه السيد وهم أخذله هبعه يتمضيگ.. لمن كلش خوينه وعلي...وهاي المدهوره غفت وأنه ادبز بيه ولچ لايفطنون علينه ونشتهر.. وهي تگلي يااااا ولچ روحي مروريه وراسي يفتر.. انه شجابني لوما زيارت بعد اهلي امير المومنين ...بس خيه من طلعنهه دگو دگه مال معممين ودفعونه بدون اغدي.. عاد انوبه غدتنه صاحبتنه بت حجي شنشول فلافل وعنبه لأن هي عشتو من فرسان الچبح الامل بغيادة ابو خلل..