كبل جان عدنه كواد واحد لعب بينه شاطي باطي وخصى رجالنه وشبابنه ودمرنه وهجرنه وشوفنه نجوم الظهر ومصايبنه اللي جاي أنشوفها هسه كلها منه وأحنه نصرخ وبكل ما أتينا من قوه ( بالروح بالدم نفديك يا عم ) لان اللي أيخش بأمنه أنصيحله عمنه.. وخمسه وتلاثين سنه شعب أعمى طايح حظه ويكود بيه العم كود ومن ياخته ومن أذنه مثل الزمال وينزله بحفره ويطببه بخيسه وأحنه نردد( تقدم وأحنه وياك أثنين).. وكل شويه أيوصينه بشد الحزام على البطون الجوعانه وأن النصر أت لا ريب فيه.. وراحت رجال جنت أزامط بيها وظلت رجال بالخره أخليها.. وصارت عدنه من وره هذا الوضع ناس مهراجا فوك كلش فوك وناس نزلت أسفل سافلين لان عدها ضمير وتخاف الله.. وأجتي ساعة الصفر ..ولان أحنه كحا.. وعاهرين تخلينه عن كوادنه ولزمنه صوره ودك بالنعل وحتى شخينه عليه وسحلنه تماثيله بالشوارع بزفه مال كاوليه تخبل.. شعب قذر ومصخم من يومه واللي جاي أيصير بينه من أيدنه.. البارحه خليناه فوك الراس وغنينه وكتبنه أحلى أشعار بأسمه وجان كل بيت عراقي يتمنى أيدش بيه العم حتى يتباركون بظله ويصير سالفه بكل الطوايف.. يا حريمه..

بعد حرب تحرير العراق من براثن الدكتاتوريه ومجئ أرقى أنواع الديمقراطيه السفري.. بدت تنمو طحالب مسمومه زرعها العلامه بريمر في خاصرة كل عراقي.. وبدل كواد واحد صار عدنه كواويد متنوعه وبألبسه كلش حلوه وجماله معطره أيشي ديني نذل وأيشي علماني نغل وأيشي مستقل أبن كحب.. وذوله بدورهم خلفو ديناصورات وضباع وجلاب تنهش بلحم العراقيين وتشرب من دمهم ..وشايفين الذيابه من تهجم على الغزال ,هذا يلزم راسها وهذا من رجليها وهذا من لوزتها.. بالضبط  فصخو جسد العراق بهاي الصوره وكل كواد من ذوله عض بأنيابه الشرسه جزء من هذا الجسد ..  كواويد على سن ورمح .. ولا تصدكون هاي الافلام اللي جاي أتصير بيناتهم ترى كلها سيناريوهات مكتوبه ومتفق عليها ,هذا اللي أيفشر على هذا ومرات أتصير بالقنادر ومكافش من الروس وهذا العفطي اللي يستقيل اليوم ويرد باجر والايام الجايه راح أنشوف شكثر أفلام تخبل خليكم بالبيت.. وتره هذا كلش عادي .. لان أحنه أنعيش ديمقراطيه الكواويد بأزهى حلتها وألف عافيه من فاد وأستفاد وخلي ياكلون مدام خالهم شارف على أنتهاء ولايته .. وبعد شويه راح أتشوفون شلون يلتمون وينسون كلاوتهم ويهجمون على غزال جديد دخل ساحتهم أو يتعرضون لغزو شعبي.. هاي فنونهم ..جاه أشلون صارو كواويد خو مو كوتره ..

 وطبعا الشعب القشمر راح ينسى اللغف والخمط وجذبة الكهرباء والمي والخدمات والبطاله وراح ينسى حتى أسمه ولازم ينسى وغصبن على أطول شارب لان هذا جزء من السيناريو اللي كتبوه بره , والدعيه أبن الدعيه كليط الكواويد عليه تنفيذ ما جاء ببنود هذا السيناريو بالحرف الواحد.. وهم هذا كلش عادي.. وكلنه شفنه الناس التعبانه اللي جطلت بالشوارع وهو يطلع بقاط وربطة عنق وردي غامق وصابغ شعره وهاي المره لابس محبسين وتعالو خلي أنصلي صلاة موحده.. شلون تتوضى وماي ماكو ليش ما كلك ...... والمصيبه الجبيره أيسوي تنقلات بالقاده.. أيجيب المطي ويخليه بدل البغل ويجيب الجلب ويحطه بدل الحصان.. وكل هاي حتى يبعد فاروق الاعرجي عن كل الملاحقات القانونيه بصفقة السلاح الروسيه ..تره خوش أيفكر أبو سراوي ..ولك مو زربت بيها وخليتنه مضحكه للخلك.. بس لو أنت وزمرتك القذره أطلعون من هذا البلد وشوفو شلون تتصافى الكلوب ويرجع العراق واحد موحد ميقبل القسمه ولا الضرب.. ولكم والله تعبنه .. وما خفي كان أعظم