ولا يهمك ..

وجودى وكل تكوينى ..

فدى دمك

ولا يهمك ..

حياتى وحبى وسنينى ..

سنا حلمك

ولا يهمك ..

ما تزعلشى ..

ما تغضبشى ..

وعيش الحلم ..

تلاقى الحلم ..

عيون صاحية ..

ما بتنامشى !

تشوف فيها ..

جمال الكون

تشوف بيها ..

طموح الغد

وتتحول لقلب حنون ..

مع شوية إرادة وجد ..

وحبة بأس

حـ تتغير لواقع أحلى ..

وبعديها لأول وهلة ..

ما تحتاجش لمعونة حد !

ما تضطرش للحظة يأس !!

وتمحى الأمس ..

وضي الشمس ..

يضم هوايا ويضمك

ولا يهمك

=-=-=-=

ولا يهمك ..

عتاب الناس

ده حبك أوفى مـ الإخلاص

ده عمر الناس ما يعجبهم ..

فـ يوم حالك !

وعمر الحال اللى يحلالهم ..

حـ يحلالك !!

ولجل ما تحيا فـ زمانك ..

سعيد .. فرحان

إنسى اللى ضاع ..

وإنسى اللى باع ..

وإنسى اللى خان ..

وإنسى اللى قلبه ..

فـ يوم ظلمك !

ولا يهمك ..

ولا يهمك

=-=-=-=

بقلم : محمد حلمى مصطفى

الأسكندرية – جمهورية مصر العربية

• على لسان البرلمان ! بقلم/ محمد حلمي مصطفى
• "الأمل" .. أم "الفشل" ؟!
• إنتفاضة الأقصى .. دعوة للعودة ! بقلم/ محمد حلمي
• وشوش !
• جمع .. تكسير !