*
اكو اثنين (سكارى) جوعانين وماعدهم فلوس يتعشون .. واحد منهم طخت عنده فكرة ؟..

*

كال لصاحبه راح اعشيك ارقى عشه وببلاش .!. بس بشرط تنفذ كل ماريده منك شدكووول..؟

*

صاحبه كاله عليها انا موافق..كاله تعال وياي وشوف شلون راح اعشيك عشه !!

*

اجو على مطعم توب ومرتب.. صاحب الفكرة كال لابو المطعم تره جواعنين فدمره ونريد عشه 

*

مضبوط--ابو المطعم كاله تفضلو استريحو وتدللون... والربع هم ماقصرو ..جيب.. جيب...

*

بعد ماتعشو وخلصو صاحب الفكرة التفت على صاحبه كاله... 

*

هسه كوم خلي نتعارك بالميوزة والكراسي...!!..هذا كاله يمعود انت شجاي تحجي 

*

انعل الشيطان هو احنه وينه ووين العرك..؟!..

*

كاله بكيفك انت وافقت على شروطي لو تنفذ لو انت تدفع الحساب..؟.. 

*

كاله وانا منيلي ادفع الحساب كوم خلي نتعارك احسن....

*

واشتغلت بالميوزة والكراسي ..... 

*

ابو المطعم شاف المطعم ماله تفلش تفليش..صاح على جماعته كالهم ..طلعو ذول السكارى بره وخلي 

*

يتعاركون بالشارع وحدهم واكفونا شرهم...

*

من سحبوهم وطلعوهم بالشارع صاحب الفكرة التفت على صاحبه كاله هااا شلونه العشه..؟.. 

*

صاحبه كاله عاشت ايدك لو هيج عشه لو ميراد..!

*

• كلوب يأمل بنتائج جيدة عند مواجهة أرسنال المرتقبة
• Test
• ركلات الترجيح تهدي السنغال لقب أمم إفريقيا على حساب مصر
• ليفربول يهزم كارديف ويصعد للدور الخامس بكأس الاتحاد
• رئيس الجمهورية السابق يصل الى طهران