طبعا إحنا المسلمين عدنا قواعد وحكم أخلاقية منها مثلا ( الضرب بالميت حرام ) طبعا هاي الحكمة يؤمن بيها المسلمين المعدان مثلي بس القاعدة والمليشيات الشيعية عدها الميت والعدل ينعلس ويتگطع قربة الى الله تعالى حتى يرحون يأكلون يم قاسم ابو الگص بالجنة ...
والعباس كسر خاطري المالكي وقررت من اليوم ما اكتب حرف عليه عملا بمقولة الضرب بالميت حرام .. مگرود حاط طيراته ويحشم بالدول ساعة مچلب بعمامة روحاني وساعة شادله علگ بشباچ أوباما بالبيت الابيض ويمشي ويسولف وي رويحته .. مسكين سوق الانتقالات الشتوية خلص وبس تخلص الانتخابات يرجع ناشئين بعرضي .. لذلك اطلب من كل أصدقائي الحشاشة العراقيين ان نطلق عليه لقب ( دولة المرحوم نوري المالكي ) هاي جولاته المكوكية مال واحد داخل للگبور مو داخل انتخابات ،،لذلك راح نشتاق جدا لچذباته وبوكسات البرلمان وتصدير الكهرباء وهزيمة القاعدة وحل القضية النووية مال ايران وانقاذ سوريا من القاعدة وگلندايزر المنطقة الخضراء حمودي ابو وكيحة ، إخواني المؤرخين اتوكلوا على وبلشوا بكتابة نهاية نهاية افشل واچذب رئيس وزراء بتاريخ العراق ،، بائع محابس وقچقچي في سوريا كان يحلم بأن يشغل منصب چايچي بالحكومة العراقية حوله الأمريكان الدين انتقموا لقتل ابنائهم من الشعب العراقي بتعيين هذا الفاشل رئيساً لمقدرات هذا الشعب المظلوم .. نسال الله ان ينصر لواء ابو الفضل ويحرر السيدة زينب ليعود دولة المرحوم الى ممارسة هوايته العتيگة قبل ان يبدد ثروات العراق ويساهم غباءه بقتل العراقيين ... وارجو من المؤرخين تدوين الشعار ( چذاب نوري المالكي ) لانه الشعار الوحيد الذي تجسدت به شخصية دولة المرحوم الحقيقية ..
والى يأتي يوم الانتخابات رحم الله من قرأ الفاتحة على روح دولة المرحوم حجي نوري المالكي ......
الفاتحة..
