صعدوا ابرووس اليتامى
والتعب ذاك انحذف
صفر خلوا بالشهادة
رغم تاريخي انعرف
ماجنت بعثي اوكيل ...ولاجنت لاحد عميل
وذنبي ياقاضي العداله
هارب افرار اعترف ...
زورت ..؟؟؟اي ..اي نعم ...بيها اعترف !!!
خفت ..؟؟؟ اوووو ليل ياما المانمت!!!
وهسه
هسه بس النوم عندي
وخوفي باحلامي اختلف
وياخلف ...يا....خلف
سيدي اكبالك وكف
انت رايدلك وظيفة ؟؟؟
دوور اكبور النجف!!
بلكي ميت الك سياسي
منه واتحصل الشرف
ها خلف ..ها....خلف
سيدي القاضي الشريف
اسمي مو كبل انهتف
ها....خلف
سيدي القاضي اللطيف
راح ابيعلهم هدايا
بيها تايت .. بيها ليف
بلكي واحدهم نظف
وهذا سوك..
يجمع اوجوه البغايا
والعرايا
والضحايا
واعترفلك
اكتب انباع الهدف
حيف ياكل الاسف
حيف ياكل الاسف
