من چنت صغير .. بأيام تموز چنا نايمين بالسطح وفجأه زخت علينه الدنيا مطر كلش قوي ..
احنا رأسا گعدنا من النوم منگعين بالمي ، گمنا نهوس ونضحك ومكيفين بالمطر لأن شي غريب تمطر الدنيا بتموز ..
عاد اني وإخواني چنا صغار بوكتها گمنا نگمز ونصيح ، مرحااا .. مرحااا .. مرحااا .. عود مثل أفلام الكارتون من تمطر الدنيا ..
أبويه يباوع علينه ويصفگ ويضحك ، أمي تهلهل من الفرحة بالمطر ، والدنيا تززززخ مطر واحنا نصيح ، مرحاااا .. مرحاااا ..
عاد آخر شي طلعلنا واحد من السياج مال السطح لابس خوذة صفرة ووجهه مصخم ..
أول مشافنه رأسا گام يصيح علينه ، گال : ولكم يا مرحااا يا صخام ، ولكم بيتكم محترگ وصارلنه نص ساعة نطفي بيه !!

طلع بيتنا محترگ وجايين الإطفائية يطفون بيه واحنا عبالنه الدنيا تمطر ومكيفين ونصيح مرحااا .. لا يا مرحا على هل دگه 

• كلوب يأمل بنتائج جيدة عند مواجهة أرسنال المرتقبة
• Test
• ركلات الترجيح تهدي السنغال لقب أمم إفريقيا على حساب مصر
• ليفربول يهزم كارديف ويصعد للدور الخامس بكأس الاتحاد
• رئيس الجمهورية السابق يصل الى طهران