منذ 13 عام هيهات منا الذلة والى الان ..
لا اعلم ذلة اشد من هاي الذلة المتوارثة لدينا .
هيهات منا الذلة
والواقع الصحي والمستشفيات قمة بالتدني والفشل ..
هيهات منا الذلة .
والسرطان صار بالبصرة حالة حال اي مرض عادي
هيهات منا الذلة .
والبصرة عبارة عن مدخنة ومحرقة لنفطاتهم كي يجنون الاموال
هيهات منا الذلة .
ومطرة صغيرة ، تفيض المجاري الى داخل البيوت
هيهات منا الذلة
واقع زراعي فاشل
وواقع صناعي فاشل
وواقعي اجتماعي فاشل
وواقعي تعليمي فاشل
هيهات منا الذلة
والامان بات هاجس انت تعيش يومك وتخشى الغدر بسبب او بدون سبب انت وحظك .
هيهات منا الذلة
و جرفوا النخيل والاراضي الزراعية وتاليه وكت البصرة يفرشون ثيل اصطناعي
هيهات من الذلة
اندكلك بعشيرة يطلعون عدهم سلاح بك روسيا ويكتلون بدون لا دين ولا ضمير
هيهات منا الذلة
هيهات منا الذلة
راجع اي دائرة حكومية وشوف المعاملة ..
وغيرها وغيرها ..
...........
ونحن ننحدر من ذلة الى اخرى
اذا كان الانسان عمره ضايع بالذل
لا اعرف عن اي ذلة يقصدون الهيهات منها .؟؟؟؟.
هيهات من الذلة /لبيك ياحسين / مفردات عظيمة ، لنفوس كريمة ، سقت مسيرتها بالدماء الطاهرة والرؤس المرفوعة على القنا ..
.كلمات اكبر من واقعنا لهذا دعونا نشبع جاي وكعك ولبلبي ولفات وشوربة الصبح وبيض مسلوك وهيهات منا الذلة اللي ما ياكل زين ..
أطمأنو كلنا مذلولين بدون استثناء ..
Ehab Talib
