باعتباري خبير استراتيجي ومحلل الادرارات السياسية الي أصيبت بها عمليتنا السياسية اجيب على أسئلة الكثير من القراء والاصدقاء الذين دوختهم التحالفات الانتخابية الاخيرة ويردون يسقطون المالكي ما يعرفون البديل ..... الجواااااااب
اذا أردتم إسقاط المالكي بجب ان لا تصوتوا لكل احزاب التحالف الوطني الذي انتجت لنا المالكي مرتين ..
لان الاحزاب الاسلامية عركهم چذابي وواحد تافل بحلگ الثاني .. اذا ماتصوت لدولة القانون وتصوت للحكيم فانت جاي تنتخب المالكي وماتدري بروحك ... لان الحكيم حليف حزب الدعوة نزل بقائمة منفصلة بذيچ الانتخابات وأئتلف معاهم بالتحالف الوطني لاسقاط قائمة علاوي .. التيار الصدري يموت من المالكي بس مرتين يحسم الموقف لصالح المالكي من اجل حقائب وزارية ومناصب بالحكومة لذلك عدم التصويت لمكونات التحالف الوطني يعني إسقاط المالكي اي صوت يذهب لمكونات التحالف يعني للمالكي بالاستعاضة الا اذا يطلع سيد عمار وسيد مقتدى يحلفون بالحمزة الشرجي للناخبين ان اصواتهم ماتروح للمالكي يالله تصوتولهم .. مالنة خلگ عباعيب جديدة تطلعنا ماناقصين فشل ودمار ..
صوتوا للكتل العلمانية العراقية قائمة التيار الديمقراطي .. قائمة مهدي الحافظ .. أنا شخصيا سأصوت لقائمة فائق الشيخ علي اولا لانه مو إسلامي وثانيا لان سياسي وشجاع ومو حرامي .. واليتحدث بمنطق الكتل الصغيرة والكبيرة فاگولة حزب الدعوة أخذ الحكم وهو ماعندة عشر نفرات بالشارع .. وصعد ناس حرامية فاشلين لا ينعرف اصلهم ولا فصلهم .. گصاصيب وچايچية فبعد ياكتل كبيرة على اساس همه اولاد الملك فيصل الاول والهم ثقل بالشارع .. الثقل الحقيقي إحنا انخلقة باصواتنا إحنا الي سوينا ولد الشوارع قادة واحنا الي راح ندوسهم باقدامنا في الانتخابات .. ختاما العراق مابي قايد ضرورة واذا يروح ينتهي العراق .
العراق بلد فيه قابليات محترمة يجب ان تعطى الفرصة الحل في الاحزاب العلمانية الإسلاميون فشلوا بكل الدول التي حكموها .. تعلموا مت تجربة الشعب المصري الذي اسقط إخوان المسلمين ولنسقط الاحزاب الإخوانية في العراق..
حسين العسكري 
13/12/2013 - 05:19
البداية
السابق
