دكتور بالتوفيق من كل قلبي ، بس عندي كم طلب..
* اخذ طيارتك و افتر على السعودية و تركيا و ايران و مصر ، گلهم خوية احنه إخوتكم و العراق فاتح ذراعيه للمحاظن و العيش بسلام

** خلي واحد ابن حلال تعرفه كلش زين يفتر على السجون و يفرج عن كل بريء بيده و يرجعه لأهله و فوگاها چم دينار و بوسه

***
احچي وي الناس بالعامية وبصراحة، اما الفصحى خليها للشعراء و اهل الحداثة .

****
حط يمك كم صماخ إعلامي يعرف اشلون يعزف على أوتار اتحبها الناس و اتلم شمل الأمة ، و امنع قاسم السلطان من الأغاني الوطنية

*****
علم الناس انو الطائفية عار مو بس خطر 

*****
و اخيراً شوفلي مره و زوجني ، أريدها اشوية مربربة مثل بطيخ الزبير واتحب تسمع موسيقى الجاز و سلمان المنكوب

هذا و دمتم للنضال 
تحيات اخوك محمد ثامر العبادي
لان هاي عشيرتي ال ازيريج بعد الف سنة ما ايصير منهم رئيس وزراء ..