قبل سنه اجاني تهديد للبيت بورقه بظرف مع طلقه كلاشنكوف فالناس گالولي روح اشتكي فرحت للمحكمه قبل لا ادخل للقاضي گالولي شعندك جاي لهنا روح لمركز 7 نيسان ( يعني لسه مجلبين بالاسم القديم) يعني مركز شرطه الجمهوري حاليا ما علينا المهم رحت للمركز بعد مالزمت السره بالباب اكثر من نص ساعه دخلت للضابط راويته التهديد كل هاي مو يمنا تروح لمركز مكافحة الاجرام .. رحت للمكافحه مال الاجرام بعد ما انتظرت بالباب دخلت ع الضابط برتبه رائد گالي هاي مو يمنا يم مركز الشرطه گلت اله سيدي جنت يم مركز الشرطه وگالوا شغلتك يم المكافحة گالي مالك علاقه بيهم ارجعلهم المهم رجعت لمركز الشرطه هم انتظرت بالباب وگوة دخلت شافني الضابط مال مركز الشرطه جان يتعصب عليه گالي مو گلتلك تروح للمكافحه… گلتله لا سيدي جنت يم المكافحة وحولوني عليكم جان يگول اهووووو والله هذوله المكافحة يذبون شغلهم براس الشرطه وبعدها گالي شو جيب اوراقك جان يختم ويوقع و يفتح لي محضر تحقيق شو اثناء التحقيق غير اني مشتكي وصاحب الحق شو الضابط اسلوبه كأنه اني عندي الذنب… المهم حولي ع المحكمه ثاني يوم اخذت الدعوه ورحت للمحكمه الساعه ب 8 الصبح گلت اروح من وكت حتى اخلص من وكت… لكيت السره طوله 50 متر وهاي الناس كلها على قاضي واحد… المهم لزمت سره وگلت حالي حال العالم اثناء ما اني واقف بالسره جاي اشوف ناس اجت وراي ودخلت للقاضي قبلي لمن رحت اتطقست شفت العنده واسطه يدخل للقاضي بدون ما يلزم سره المهم ضلينا انصيح عالشرطه الواگفين بباب القاضي ما دارولنا بال… .
المهم ضليت واگف بالسره لمن صارت الساعه الواحده ظهرا صاح الشرطي بأسمي گال تعال ادخل للقاضي… 
دخلت ع القاضي طبعا القاضي بعده شاب عمره 38 سنه تقريبا خشمه يابس ويتباوع عليه بنظرة احتقار كأني مرتكب جريمة لواط .. گالي انته اسامه گلتله نعم سيدي بس هاي الحجايه گالي بيها… . گالي يله اخذ دعوتك و ارجع لمركز الشرطه گلتله ليش سيدي گال ما دافع الرسم ( بالمناسبه الرسم سعره 500 دينار) بعدها رحت للموظفة التقطع الرسم گالتلي الرسم انسد من الساعه 12 الظهر