اكو ولد صديقي
خطب بنيه من الصويرة هو متعرف عليها عن طريق خالتها تداوم وي الولد بنفس الدائرة گلتله بنت اختي خوش بنيه ومستوره وطلباتهم متواضعة وانت ابن حلال توكل وان شاء الله تعجبك..
صاحبي ما گال شي رح هو وأمه وأخته عالعنوان لگوهم ناس بساتين والله منعم عليهم جابولهم الغده كملو الولد گاللهم احنه صرنه اهل وبينه زاد وملح بس احنه جاين نشوف المحروسه بتكم واذا صارت قناعة فالجيه الثانيه نجيكم خطابه..
رتبوله وضع شاف البنيه وحچه وياها كم كلمه وأمه وأخته كذلك ...رجعوا مرتاحين البنيه عجبتهم بعد ٣ ايام جمع مشايه وبيهم ساده وراحو خطبوا السيد گال لعم البنيه ابوها متوفي گاله خلي نكمل العقد الشرعي حتى تصير بيناتهم اتصال وكلام..
العم طفر گاله لا العقد بيوم العرس هاي عاداتنه حاولوا يقنعون العم ما صارت گالوله يلا خلي نقره الفاتحة والسلام عليكم..
هالحچي الغشيم ما شمرله عدهم خط تليفون حتى يحجي وي مرته بسكته لا مخليها على عماها..بعد ما يقارب شهر ونص الولد كمل شغلاته انطه خبر لعمها بموعد العرس فاتفقوا يجيبوها لبيت خالتها لان صعبه عروس تجي من الصوره للـ.... محافظة بالجنوب)
اني كنت مسافر ما حضرت زواجه خابرته گال اني بخير والحمد لله..

ساعه بـ ١٢ و ١٣ دقيقه باليل خابرني گال سيد ما تحصلي رقم المرجعية من ابوك من معارفك !!
ضحكت گتله مخبل انت ياهو ولَك اني ومنو گلك المرجعية عدها تليفون وتخابر على شكولك "گم" واضحك اشو الولد ساكت شنو السالفه
گتله ابو الحواتم شخيرك خو ماكو شي گال وينك انت اني بمصيبه
-انه اخو فاطمة شنو المصيبه ولَك انت عريس؟
الله يشهد كل بالي كلت البنيه مريضه او صارت عنده فد حاله صحيه من هاي سوالف اليله العصيبه..

گال البنيه اجت يم خالتها اجينه نجيبها ساعه ٩ علما الناس تفض خابرتنه خالتها گالت البنيه بيها مغص واخذناها للمستشفه والمكياج خرب تاخروا شويه توها رجعت من المستشفه يگول تاخرنه رحنه جبناها المسافه روحه وجيه تقريباً ساعة يگول السيد الي يعقد منتظر بالدوانيه خليناه يعقد اول ما وصلنه لان تاخر كلش
كملنه عقد رح السيد يكول طبن خواتي وامي شالوا الغشه وهلاهل وصفگه واذا هذا الوجه مو هو الي شفناه !!!!
هاي اختها مو هي !!
وعدها سنون وخشمها مرعب..

گتله واسمها الي السيد عقدكم بيه شكال يا اسم؟
گال اسم الاولى الي شفناها...

گتله عمي لا تتقرب للبنيه هذا العقد باطل باچر جايك ...همه بنفس اليلة حطوها بسيارة ورجعوها لبيت خالتها وهسه الولد بطل من الزواج بسبب الناس (الزفرة) ...خابرته قبل يومين هم اسلم عليه وهم استأذنه بنشر القصة وافق بس گال لا تحدد تفاصيل مكان وأسماء
گتله شلونك يگلي سيد كشت روحي من العرس واهسي راح
يمكن رح اروح للحشد وبعد ما ارجع ...ردت أضحكه كتله عود من يصير القتال بالصويره روح توكل ولا ترجع....

الخلاصة اكو دگات مال أنذال "اجلكم الله" تحطم حلم كامل
الغايه من نشر هاي السالفه شغلتين خليكم منتبهين لخاطر الحمزة 
والشيء الاخر لا احد يفكر يلعب السالفه لان الناس مو بالـخمسينات....!

ابو وجود الياسري

• كلوب يأمل بنتائج جيدة عند مواجهة أرسنال المرتقبة
• Test
• ركلات الترجيح تهدي السنغال لقب أمم إفريقيا على حساب مصر
• ليفربول يهزم كارديف ويصعد للدور الخامس بكأس الاتحاد
• رئيس الجمهورية السابق يصل الى طهران