الوطن يعني يكون عندك سطح. على السطح أكو تنّور طين. بصفّ التنور اكو أم لابسة شيلة و تخبز. تنطيك أول خبزة حارة تشلعها من التنور. تلزم خبزتك بأطراف قميصك حتى ما تنچوي و تنزل ركض. تطبّ للمطبخ تلگه اختك الچبيرة تثرم زلاطة و بصفّها سلّة خضرة مغسولة. تمد يدك تاخذلك كم عود رشّاد. تفرشهن بالخبزة و تلفّها وتطلع برّه. تگعد على بلوكة محطوطة بباب البيت و تبدي تقضم بلفّة الرشّاد برويّة و تأمّل. تخلّص، تمسح ايديك بصدرك و تنزل تكمّل لعبك بالدربونة ويّ محمد دگمة و فاضل خيسة و عبّوسي الغبي.
الوطن سطح و تنّور و خبزة. الوطن رصيف و أم و لفّة. الوطن عبّوسي و فاضل و دگمة. هذا هو الوطن ياصديقي.
#انا_بلا_وطن
