اليوم گاعد اتفرج عالتلفزيون الاسترالي وچان اشوفلك ساسيلو ابو صماخ رئيس اندنوسيا حارگ الجو والله ربعنا الأستراليين متجسسين على تلفونات مرته الشريفة كلش ، ويرعد ويتوعد ابن الكلاش .. خوية ما اطوللكم السالفة خابرت صويحبي كويظم .. كويظم عنده حسينية زغيرة بسدني گتلة ولك الاندنوسين الوهابية راح يهجمون على سدني واذا طبوا اول شغلة يسووها يفلشون حسينيتك ،، گال لا بروح جدك .. گتلة والعباس ،، گال چا الوهابية لاحگينة لأستراليا شتكول ابو عليوي شنسوي حتى نحمي مقدساتنا بسدني ؟؟
گتلة انأسس لواء ابو فاضل في سدني لحماية المقدسات من هجوم وهابية ساسيلو ابو جعب ، گال خوش سالفة ..وقررت اوجه كلمة مني اني ابو عليوي وصويحبي كويظم لرئيس اندنوسيا (( اسمع ولك ساسيلو ابو حلگ الجايف والعباس ابو فاضل اذا اندگيت باستراليا ابووك انحرگة ونسوي طشاركم واهلية وزلمك التهدد بيها خل بس يتحركون وشوف اولاد الملحة باستراليا شيسوون بيكم وعلي انخليكم تبيعون ابو بريصات بالفلبين ، گواد چا انته عفت الدنيا كلها تندگ بينة ، بعد ان خلصت كلمتي طلب مني كويظم ناخذلنه جولة ونهوسلنا هوستين ..
ها الملعب هذا الملعب
وخل يجرب ساسيلو ......
