گَبُل
چنّه من نجي من محافظاتنا لبغداد، ننبهر بكل شي، إبتداءً من الكباب، وإنتهاء بالنسوان، مروراً بالاتيكيت والأناقة، وليس إنتهاء بالتمدن !
خرب الكباب، والنسوان ما نگدر نسولف بيهن، اما الاتيكيت والاناقة والتمدن، فصارن محصورات بمناطق صغيرة جدا من مناطق قليلة.
يگولون هاي افرازات الحروب، والحصار الجائر، والعبور الناجز، وعلو كعب الخطاب الديني المتشدد !
أما (الحجارة والعمارة) فصارت بيد (العبابيب) وتشوهت بغداد، بسبب الذوقسزية، و الفسادلوغية التي قال عنها أحد شيوخ الدين (النستليون) بأنها لن تنتهي حتى لو جابوا (أنبياء قراط) !
