السفير السعودي السبهان قبل مدة كان يصرح, الحكومة تحاصر الفلوجة, والفلوجة تقتل جوعا, كان هذا ظاهر الموضوع لكن ما خلف الكواليس ميعرفة السبهان! قدمت السعودية مساعدات والجماعة حكومة الانبار المحلية اتحاد الهوى صهيب والكرحوت وربعهم ,ودخلت عل الخط جميلة الكتلة لقاء وردي, الجماعة بدل ميوصلون المساعدات للنازحين يتعاركون عل الاندومي والبطانيات وصارت حرب طاحنة سميت بحرب الاندومي!!
المهم لقاء تريد تسجل المساعدات بأسم زوجهة حامد الجليباوي, صاحب منظمة الفراتين حتى تنحسب المبادرة للقاء وزوجه الجليباوي! وصهيب والكرحوت يردون تنحسب الهم , والمساعدات راح تتلف والسبهان يشعر بالصدمة
الصراع على حملة صورني واني اوزع مساعدات مستمر وبنات الفلوجة بالهياكل والناس عافت بيوتهة, والجماعة صهيب وربعة سلمو الفلوجة تسليم يد قبل يومين من دخول الدواعش فرغوا المدينة من الجيش والشرطة, وهسة السالفة صارت منو يستلم ملفات الاعمار ويبيع اكبر كمية اسمنت بعد ان هدم الدواعش بيوت الناس والجماعة حكومة الانبار ماقصرو رجعو على بقية البيوت فلشوهة حتى ياخذون الرمادي مقاولات كاملة وحتى لحد يلغي ويتفلسف براسي ويكول طائفية راح يجي دور حرامية الشيعة.. مثل مااجة دور حرامية السنة وبطريقنة نمر على الاكراد والكتلة الزعلانة حتى يعرف الشعب العراقي انو حكومة المحاصصة متفيد ومابيهة اي خير والمدافعين عن حقوق السنة والشيعة والاكراد باكو البلد واكلو الاخضر واليابس!!