تمنيت ... تمنيت .. آني وياك فد بيت , الله يذكرك بالخير حاتم العراقي ماحبيتك طول عمري وأبريني الذمة لأن ماقدرت كلامك
أي والله تمنيت التشكيلة الجديدة العتيجـه ياخذولهم چرخله ع السريع بدل ترديد القسم المانعرف شگالوا بيه مدري دعاوي علينا مدري شتايم على روح والدينا أخاف عايز بلد الحضارات والشعب النايم الهايم على أيدينه ورجلينه
تمنيت يرحون لدوائر الجوازات يشوفون الوادم المذعوره الخايفه
ويرحون لأنقرة لليو أن ويسحبون المعاملات النايمه
و يخلصون النازحين و المرعوبين من الحال الجايفه
ويصولون بوثبة رجل واحد على المجاتيل من كل العصابات وأولهم دولة الخلافه
الناس تنتظر مثل بزازين حي النصر
عينها على فضالة السفرة بعد أقتسامها من فطاحل العصر المتخالفه
أم عباس الفراشّه لديها تساؤلات جعلتني صافناً مثل حاشاكم :
يمّه شو من البارحة كلها تسولف بحكومة (بغداد الجديده ) , أريد اعرف أشوكت يسوون حكومة للمشتل والبلديات و زيونه , على هالحچي ينرادلهم أربع سنين لخ حتى يوصلنا السره و يشكلون حكومة لـ شثاثه!
مقالات اخرى للكاتب