تعبان ومن التعب
مابيه انكل جدم
والعازه بينت علي
والجوع دك بالعظم
يالجاي تطلب خبز
شطلعلك بيا هدم. ؟
من صافي تعب العمر
ماظلي بس هالرسم
احجي انت. .وأنا استمع
والزبده ؟مو شي مهم
بس انشدك عالوكت
ظل بي بشر يفتهم.؟
والزلمه. ؟ما ينحكر لا جنها. .
وين الزلم. ؟
انا انتظرتك تجي
ونصعد سوه ونلتحم
مادام هالقنبله اتلوك
اعله هاي الحزم
هي الشرارة تطك
وبساعة النصطدم
يمعود. .انت اششفت
وتكول. .أكبر ظلم. ؟
البيتي ممنوع اطب
إلا بجواز وختم
ملاحظة: القصيدة نظمت في عقد التسعينيات من القرن الماضي وفي ايام الحصار الاقاصادي .. وكانت ممنوعة من النشر في ذلك الوقت.
