اليوم الوضع كلش خطير وصايره بالقنادر..وشلون قنادر كلها أيطاليه ولد الجايفه كام أيلبسون..وجان حسره عالواحد بيهم قنادر باب الشرجي أم الالفين دينار..وقمصان من البالات أم الربع دينار ..وهسه واحدهم صار أدمي من وره فلوس الشعب الخايس..وكامو كله خالي زيان أخر تسريحه وحف الوجه والحواجب وشلون تخطيط لللحيه صارو مثل نجوم السينما ..لا واللي أيكتلك شكد ميلبسون ويحطون ريحه..تبقى جيفتهم ذيج هيه..ونكدر أنطلعهم من بين ستين ألف..واللي أيخليني أصير أعصاب..من أيطلعون بمؤتمرات صحفيه وشلون أيهددون الناس واللي أيشوفهم أيكول همه خلفونه وبتلو بينه.. وواحدهم كبل يومين ميعرف شيسوي من رادو أهل الرمادي أيصلون بجامع أبو حنيفه..والله العظيم صار طشارهم واهليه..كل صخل صار أبيت ويه حمايته..وخلو الموبايل حلقة وصل بيناتهم.. شوفو من هزه وحده أبو سراوي وجلاوزته نزعو ألباساتهم  المقلمه وصارو هستيريه وميعرفون شلون يحجون.. وصارت المنطقه الخضراء لو أتشوفوها كلها شرطه سوده وقوات قذره ودبابات,  وفن واحد سيارته تعطل هناك , حتى أيشوف يوم القيامه بيا لون ..حتى حيدر دبل أبو الفلافل مصدك وباع  فلافله بسرعه وعزل من وكت.. ذوله السعلوات  أيعرفون كلش زين أوراقهم خلصت وبعد ميترشحون وخمطو ما فيه الكفايه وطز بالشعب..وشوفو تصريحات المضمد الصحي عدنان الاسدي وهو يتوعد الشعب الجبان.. لان كدر يملي سجونه بالعراقيين الابرياء ويصفي الناس الطيبه..وتصريحات الطنطل محمود الحسن وهو أيسب الشعب أبو الخيسه علنا ويأشر بصبعه الجبير..هاي لو أكو عشاير من صدك توكل هذا الطنطل خره بأثنين أيده ودكومه .. وثاني يوم يطلع جحش أيكول تصريحات ذوله البعوره شخصيه ومتمثل الحزب المناضل ..

 ذوله مو سياسيين ولا يعرفون شنو السياسه ذوله هتليه سربتليه أينفذون ما تمليه عليهم أحزابهم..مصلحه الحزب أولا وستين مرض أيطب الشعب.. ذوله جانو بشوارع دمشق يفترون ويدورون بس لكمه أتسد جوعهم .. وبلندن والدنمارك وسويسرا وهمه يوكفون سره مثل الكرته حتى أيحصلون على مساعده من هاي الدول ..ذوله مصدكو من جندتهم المخابرات الامريكيه والبريطانيه وشلون طبو برجليهم بالمخابرات الاسرائيليه وعرفو منين أيلزموهم ..وخوفك من اللي مشايف ..ومن أيشوف دولار ..بوياي يكلب الطابك طبك ..وين أكو خمط  أتشوفهم مادين أيدهم ورجلهم..أي هيه بس أربع سنين ..يلغف المقسوم ويشلع ..وصارت ناس تحجي على ناس ومن كربت الانتخابات صارو بس همه الاشراف والباقين كلها حراميه..وأحلى شي..أكو برنامج أيقدمه الاعلامي الحلو أنور الحمداني بقناة البغداديه..أحلى شي بيه ,أنو يستضيف حراميه ويسألهم عن حراميه بأحزاب أخرى..وضع أيخرب من الضحك , وره متضحك تشبك العشره ودك عالراس وبجي ونواح ..على هيجي وعد مكتوب ..أنطوني واحد منهم شريف ويحب العراق والعراقيين.. بوش أبن الكحبه وأوباما أبن اليهوديه أيعرفون هاي الوجوه القذره..وكل كواد من ذوله أكو عند الامريكان ملف شوكت أنشوفه..من أيخربطون ويطلعون من الطريق, لو يضربون المصالح الامريكيه والاسرائيليه وهاي بعيده..وبالمقابل أكو ناس تشتغل ويه أل فارس..يعني أحنه موزعين بين الاثنين..وطايح حظنه بين الاثنين وعالهرنه طحينج ناعم..

وهسه مظل عدنه شي بس أشكال شنشل وأشكال مدحت المحمود..هاي ليش ديصير هيجي وبهذا الوكت..شغله محسوبه وممنهجه حتى أيمسحون شغله سابقه..وما بين شغله وشغله أحنه طاح حظنه ومحد راح أيسمي علينه..وهاي كلها أحنه السبب..أحنه خليناهم أيلعبون بينه..عبالنه أوادم وراح أيشوفونه الديمقراطيه..أثاري بس شفنه راسه..لو شايفيه كله جاه شلون..بس الراس وصايره وين أتوجعك..بس أتريدون الصدك ..علواه عالدكتاتوريه ولا هالشلعان الكلب..

وما خفي كان أعظم