اذا كنت تدري فتلك مصيبة وأن كنت لاتدري فالمصيبة اعظم ماراح تخلص ويا شطحات السلطان نوري المالكي يومية وحده جديدة من شطحة حمودي الى صخرة عبعوب واليوم احدث شطحة ستاركو على ستايل سامكو ياخي لعد انت ليش يسموك رئيس وزراء العراق لازم تعرف بكل شيء او الجماعة اللي يمك مثل ابو رحاب المالكي يقدم لك موجز عن اي موضوع لو ملتهي باللغف وتعليق صور مختار العصر بطوريج اني كلامي موجه مباشرة للسيد السلطان نوري شفت بحياتك رئيس وزراء دولة من بريطانيا الى بنغلاديش مايعرف على شنو راح ايوقع عقد استثمار لو مذكرة تفاهم بين شركة وهمية ووزارة النفط انت شنو الي حشرك بالموضوع لان برتوكولياانت مالك علاقة بالموضوع موعندك مراسم ومدير للمراسيم عنده خبره جيدة ومشتغل بالخارجية لو هذا هم مثل الكصاب اللي معينة يمك مستشار امني هو كل شغلته جان كصاب بالسيدة زينب يعاونكم على العيشة بس معذور ابو المراسم يمكن ملتهي بالهريسة ماعنده وكت جان استشاريت حمودي يعرف بكلشي وكلاشي ياخي انت شنوطرطور لو قشمر مال بيت الشهرستاني يومية مزحلكك بكشر موز ومورطك وبعدين تطلع تتمسكن بالعراقية اتكول *هذا تسقيط سياسي *والجماعة يستهدفوني شخصيا يابعد عيني اذا أنت متكدر اتدير الدولة ليش مجلب بالكرسي وكاتل نفسك على الثالثة عبالك شباك العباس وتلعب بعواطف الناس على اساس انت القائد الضرورة اللي يومية جان *ظا ه*وجعل مثلك وامثالك يلعبون بينه طوبه مصختهه وطلعت ريحتهه والحمزة ابو حزاميين اللي شارته بالايد هاي حوبة العراقيين المساكيين اللي بكتوا فلوسهم وأن شاءالله الله يفضحكم ويخزيكم يومية امام العراقيين منا للانتخابات يومية *ظ*أريدك اقوى لو تطلع براسك نخله على هل اللعب حتى الاضافي ماينفعك يعني بالعراقي *مش بوك*
مقالات اخرى للكاتب
