ليست غريبه هي رحلات رئيس مجلس الوزراء في المحافظات، فالرجل بارع في الدعايه الانتخابيه، رغم صدور تحذيرات المفوضيه المستقله للانتخابات بالدعايه المبكره الا ان ابو اسراء هو الكل بالكل طبعا ولا يستطيع احد ان يتهمه بهذا الشأن، او اي شان اخر، فالسلطة القضائية والمحاكم والجهات والامن وكل شي بيده، لكن الملفت للنظر على الاقل نظر صديقي جعفر الجنوبي المضطرب ، انه وللمره الاولى في حياته يهتم لزياره المالكي للبصره، وعاد وكرر وحلل وقيم كل كلمات السيد مبتكر دوله القانون في العراق، وعاد وجادل وناقش كل شخص عن هذه الزياره حتى نفسه، الحقيقه دفعني الفضول كثيرا لما يهتم جعفر لزياره المالكي للبصره وما الداعي لكل هذا الجهد الفكري الذي يبذله وهو الذي يقول دائما ان حزب الدعوه انج... من البعثيين ولما ولما ؟؟؟ لم استطع التحمل اكثر فـ القيت بسؤالي لجعفر.. يمعود شخبصتنه بأبو قند...، شنو الجديد شراح يسويلك متفهني بروح جدك؟؟؟

جعفر طبعا تغيرت ملامح وجهه واجاب بـ( بخشمه) ... ابو اسراء راح يوزع على بني مالج( عشيره المالكي) مسدسات للشياب، ولابتوبات للشباب.....!!!!!!

معقوله جعفر ورأسا بعت مبادئك وثوابتك من حزب الدعوه علمود لابتوب...؟؟!! افا خويه

عمي جعفر تعال اسولفلك سالفه واسمعها وانت قرر ... واذا ما عجبتك عود سبني

انصت جعفر الغير مكترث بحديثي طبعا لانه يفكر باللابتوب اكثر من كل شي في هذه اللحظه

عزيزي جعفر اول شي ابو اسراء اجا الصبح واجتمع بجماعته الدعوجيه ورجع لبغداد لان ميكدر يبات هنا يخاف جماعته يسون انقلاب عليه.

ثاني شي الرجال وزع فليسات على ربعه علمود الانتخابات اما انت وشباب بني مالك فهذا الشي كطنه واشلعها من اذنك.

ثالث شي وهو المهم تتذكر لما جنا ابـ..... وابو... راد يخطب بنيه نجفيه ابوها صديق المالكي وراحو سألوه باعتبار من بني مالج وميعرفون غيره.

شنو كان جوابه جعفر ؟؟؟ تتذكر..... كال احنا بني مالك من كربلاء ... وهذوله مال البصره والعماره معدان منعرفهم ولاعدنه علاقات وياهم

يابه مو افتراء ولاكذب الرجال حجاها بعضمه لسانه.

شلون تريده ياجعفر يوزع هدايا للشباب وهو يعتبر عشيرته الي ساكنين بالبصره والعماره معدان

هاي النظره الدونيه الي عدهم تتوقع راح يحبون العراقي لو تتوقع يقدموله شي هههههههههه والله انت مطفي جعفر

ضاج جعفر وانصدم بالحقيقه ... ، رجع بذاكرته لايام الجهاد، تذكر شكد جانو ناق... وحراميه..

اي والله ميمون هذوله حزب الدعوه ولد.... وهذا ابو قن.... لو ساكن بباريس جان شكال علينا كله هو خلك حمال من طويرج

العن ابو الحظ الي وصلهم، بسيطه يمهل ولا يهمل..