من يرى السلطان نوري ونوابه يتراءى له انه امام رئيس حكومة ووزراء وبرلمان له هيبة وكلمة مسموعة داخليا وخارجيا  فداخليا القصة معروفة للجميع مثل مايكول المثل غسيلنا على كل الفضائيات وبالالوان فرئيس حكومة ينعت نواب الشعب بالارهابيين ونائب له ينعت رئيس حكومته بالدكتاتور ووزير ينعت هذا النائب *مطي للبريطانيين*ورئيس الاقليم يسخر من رئيس حكومته الاتحاديةبانه لايستطيع ان يحرك قطعة عسكرية واحدة باتجاه الاقليم واحدهم ايهين الاخر على مرأى ومسمع من العالم اجمع اليسوه والي مايسوه يتفرج  شفتوا بحياتكم ذلة اكثر من هذه الذلة التي يذلها الارهابيين للحكومة وجيشها واخينا بالله ملتهي  ويه حزبه يحاربون البارات وشقق الدعارة  وبياعيين الخمور*ابوي مايكدر بس على امي *
اماخارجيا الحكومة تتهم تركيا وقطر بدعم التظاهرات ومحاولة تقسيم العراق الاتراك ردوا بطريقتهم على رئيس الحكومة عندما اتفقوا مع الاقليم على بيع نفطه الى الخارج واعادوا مقاتلي حزب العمال الكردستاني الى شمال العراق دون موافقة بغداد وعلى عينك يتاجر اما قطر فحدث ولاحرج فرئيس الحكومة ونواب دولة القانون صدعوا روسنا بقوانة قطر والقطريين الساعدي ايكول قطر شنوهي كله هنودوخدم والامير لوبيه خير ماجان خلع ابوه والعسكري يرد هي شنوقطر كله ابكد الشطرة قابل مانكدرله اما الفتلاوي الي بكل عزه لطامه وين ماتكعد قطر علج بحلكه أذا اتنو هيج مستهزئين بقطر وبالنسبة الكم قرش قلب ليش دزيتوا وزير الدفاع الارعن يتوسل بقطر حتى تساعدكم بوقف الاحتجاجات ياخي اذا انتو هيج كده وكدود ليش هل عنتريات بالفضائيات والاعلام وبعدين مثل ذاك الي ضرط وماكدر يلم ضرطته وفوكاه يصرح الشفية من الدوحة *نحن مستعدين لمكاشفةوضعنا الداخلي والحوار*يعني شنو القطريين راح يصيرون طبابين خير بين الحكومة والارهابيين اذا هيج السالفه صار اربعة اشهر ليش ماحليتوه ويا العالم احسن ما نهران الدم سالت من ولد الخايبةالي دفعوا دمائهم ثمن استغلال القاعدة رعونة السلطان ومستشاريه وتعنتهم كل هل الفترة اما القطريين فذلونا ذلة بس الله يدري بيه  والمثل أيكول درب الجلب على الكصاب