والله ضاعت علينه ماندري اليوم لو البارحة  لو باچر يمكن عگب باچر ليش على من احچي ويا من احچي أني أقرا لو أكتب صدگ صار فلم هندي مدبلج والمترجم چان يگعد بالسينمات يبع ويصيح (حَب جگاير علچ) لهلگد ما دخل السينما تعلم الهندي وصار مترجم  اخواني اني محتار شلون راح ارتب الكلمات رحمه لواديكم وين راح اخلي كلمة  الأدمي   وبيا جملة. يمكن اني صارلي من زمان ما كاتب ولا قاري تدرون ليش ماكو شي واحد يشوفة ولا يقرا غير الاخبار وهي يوم الي مابيهه مفخخة اكو جثة مجهولة لو واحد منتحر ببندقية ومكبول اليدين طريقة جديدة للانتحار. لو اعتصام لو جمعة  تحمل كل اسبوع اسم, يوم الجمعة يهتفون يلقون الخطب ويسبون بعضهم بعضا بالتي هي!!!!! وصلاة الجماعة ينسوهه و يگولون فات الوكت الجمعة الجاية راح  نصلي. تكرمون تره حتى الچلب ماعاد اله خلگ يريد هم يهاجر وينهزم ويطالب مفوضية اللاجئين بدرج اسمه بلوائحهم ويگول احنه مستهدفين من الكيانات السياسية ودائما يطالبوننا بان نصوت لهم اسمائنه دائما في لوائح المفوضية المستقلة للانتخابات ويساوموننا على معيشتنا والعظام  ترة حتى العظم صار خايس واكلة لازم واحد يكون منتمي الى حركة سياسية او تنتمي بالاسم الى احد الصحوات لكي يدرجونك بقوائم الصحوجية ويأخذون راتبك مثل گبل والافواج الخفيفة او يتم تفخيخك وتكون كلب جهادي وتقتل چم طفل چم عجوز ارحمونا يرحمكم الله نطالب السيد كوفي عنان او الاخضر الابراهيمي ان يمدنا بالعون والسيد يان كي مون يمدنا بالطول البال   بهاي الكلمات غير المفهومة وهي تدل على الوضع العراق الموحد كما يزمرلة چم واحد ولكم وين اكو عراق العراق داخل المنطقة الخضراء وكل مايصير بره مو مشكلة المهم تلك الشرذمة من البرلمانين والوزراء وال.......!!!!! اشو صارت سني شيعي كوردي لا السنة يحبون الاكراد ولا الشيعة يحبون السنة ولا الاكراد يحبون الشيعة والسنة وهاي معادلة صعبة تره حتى الاستاذ عالم الرياضيات .!!!!!!...... ما يگدر يحلهه‌ لوهي لعبة صعبة  على طريقة المندوب العراقي في الامم المتحدة(محمد الدوري) لما گال اللعبة انتهت ليش العراقيين يعرفون يلعبون ذولة بس يكتلون حتى اذا ماشاف عدو..... يكتل صديقة هو هذا النشم  بميت دولار يقطع راس وياهه تره هم سادية ولذة ومتعة يغتصب عروس امام عيون العريس والله حتى ايام الجاهلية ما صايره واحد قشمر يفتي ويگول الله اكبر القتل مباح ويبدأ الاجرام  وين انتو وين الدين اشو قريت القران كلة مره ورا مره ماشفت كلمة تگول اقتلوا الابرياء . من شوكت الدين صار احزاب  هذا حزب الاسلامي وذاك الحركة الاسلامية والاخر الامارة الاسلامية ولاخر الدعوة وبعد حزب الله  ولكم هل الله سبحانه خالق الكون خالق الانسان خالق الحيوان وكل شيئ اذا قال كن فيكون  ينتظر حزبك انت؟؟ حتى واحد مايشتريك بقندرة رقم 44 لو نعال  ابو 48 .انتم جهلة ولا يمكن ان تكونون بدرجة البشر, الذين يؤيدونكم ويصدقونكم هم جهلة الجاهلين. الدين والعقيدة براء منكم ايها الزناديق عفوا الصناديق .  يا اخوان ولا ماأدري أنتو أخوان لو غير شيئ؟؟؟ ما علينه محد أله خلگ يعيش ويا الثاني وألي يستلم الحكم مايهده ويريد يبقى الى ان يأتيه عزرائيل وياخذ روحة وياخذ الكرسي ويا للقبر اني اقترح ان نمحي كلمة الي تگول احنا لازم نصون حدود وأن نحافظ على وحدة العراق ليش هي گوه تره ماكو واحد يحب يعيش مع الاخر  حتى البٌگر(البقر) صارت سنة وشيعة والعگروگ(ضفدعة) خطية الي يجي لازم  يدوسة بقندرتة المستوردة من ايطاليا وهو المواطن الفقير العادي المهمش الملعون والده تره هذا كل الصوج منه ليش ما يصير غني ويخلصنة ويبوگلة چم دولار منا منا بنظري مايستحق يعيش لازم ينده‌گ بالمفخخات ويرتاح يمكن يروح الجنة لا هو فقيييييييير تره هو مايندل يروح وين والله ما ادري يمكن يصير مگدي بالجهنم يحرگوا والد والدى حتى يرتاح لانه طول عمره محروگ تره مايلبگله غيره  اي مو هو صوجة الفقير صابونه مال الحصة التموينية يسويلة حكة ما ادري وين والزيت يسويلة اسهال ويفيد في مكافحة البطالة لان صاحبة دائما مشغول تكرمون بالمرافق اللاصحية والشَكر مال قصب الملح يرفعلة السكري والتمن  يسويلة مغص والله يستاهلون ياكلوا برسيم لا عفوا تره البرسيم هم  غالي هو علف للبهايم خطية البهايم   والچاي ما شاء الله چنه تتن منگوع بماي شط العرب ماينجرع بس اسمه چاي تخليله شكر يصير عصير دهن الخروع المعادي للامساك والانفلات الامني الحمصصصص والعدسسسس فهي حدث ولاحرج فانها تفيد في مكافحة الارهاب. و الفقيرحتى اذا مرض الدكتور يدگلة ابرة اكسباير يجيلة شلل  مال اطفال ويكعد مرتاح  لويكتبلة حبوب مال ضغط حتى يرفعلة ضغطة موهو صاير مثل چوب مال لوري بي الف زرف وين يوگف الضغط المواطن العادي تره علة على الدولة ماتدگدر توفرله عيشة كريمة اذا عاش هو راح يموت الزه‌نگين لا ماتصير الف فقير ولا زه‌نگين او لاسامح الله مسؤول لعد منو يحكمنه احنا لازم واحد فوك راسنه ويدگه  بالنعال الناليون المصنوع في ايران (سخت ايران) الي يذهب ريعه لبناء المفاعلات النووية الاسلمية نرجع لموضوعنا نندگ  حتى دائما نكون فاقدي الوعي وهذا لمصلحتنا, احنا بكل الاحوال راح نفقد كرامتنا وكبريائنا وعزتنا وهاي صعبة واحد يشوفه فاحسنله مايشوف ورحم الله والديهم يخلونه نفقد الوعي لازم نشكرهم على البنج العمومي المتطور ذو مذاق الطيب بطعم النعناع ذو الماركة الطائفية و بطعم العرگ القچخ ذو الماركة العرقية و بطعم شفايف حصنه ملص ذو الماركة القومجية ونسيت تره القحبجية والسرسرية  هَم  عندهم بنج بس للاستعمال المحدود يحمل اسم (بس اني وانت)  والف رحمة على الشهداء المجرمين الارهابين الوهابين واحبائنا فدائي صدام والمظلومين الملائكة البعثين والجحوش والمستشارين واهل العز والكرامة المفقودة بسوگ الصفافير ورحم الله شهداء الجارة الجريحة مصدرة الارهاب وحبيبتنا سوريا ومبروك للميناء الجديد للجارة الكويت والاردن التي تكحل عيونها بالنفط العراقي المخفض والسعودية العربية ذات الانتاج الوفير من  الانتحارين والجارة ايران التي لاتبخل في المشورة والشرورة الجارة تركيا التي تحيا زمن السلاطين و دعواتنه لجيران جيرانه النبي وصى على سابع جار جيران الربيع العربي         الدنيا ربيع والجو بديع أقفل على كل المواضيع أقفل أقفل أقفل أقفل  أقفل أقفل