تصوروا....اني اليوم شخطت صح 93 مرة على 93 ورقة اقتراع لصالح المالكي!!!
بأعتباري مدير محطة انتخابية في مفوضية الانتخابات...كل تلك الشخطات كانت جزء من مهمتي في مساعدة الشياب والعجايز وكل من لا يستطيع القراءة والكتابة..
لفت انتباهي منهم عجوز ملابسها ما يلبسونها المجادية ومبينة راكعها الفقر مية جلاق...كلتلها يمة شترتدين؟؟
كالت اريد المالكي......شسوي امري لله شخطتلها على اسمه...بس ظلت بكلبي وما كدرت ابلعها...من طلعت من المحطة لحكتها...كلتلها يمة شلونها عيشتج.....رأسا ثغبت بالظيم يخاله!!
كلتلها....ويطبج مرض فوك مرض شطاج الجابحي صارله 8 سنين؟؟
لو بعد مراددتني الحجية الا اعضها من لوزتها!!
واتفقت مع نفسي بعد ما انقهر ويصعد ضغطي كلما اشوف عجوز بعمرها وهي تستجدي الاحسان!!! اذا رجع المالكي مرة اخرى للسلطة سأهنيه من كل قلبي على شعب لكطة مثلنا... ويطبنا هرش فوك هرش..
مقالات اخرى للكاتب
