*****
إجيت بيا وكت ياعيد ؟
ماندري اشنِقدِّم للنحبهم..
والگلوب اتفیض حنِّيَّه ..
عساها ابَّخت كلمن باگ
بسمات الأطفال الحلوه يوميَّه ..
شقدّم للأحبهم گلِّی .. عيديَّه !!!!!!
***********
أگلَّه امبارك .. او ينعاد !!!
ردْ اعليَّ .. بَسَّـــــــــــــــك عاد ..
انا .. بنيران الذي يفجرون ..
وبنار الحراميَّه ..
ذبحوني وبوي اوابني ومِّي
إلهذا عيدنه او سمُّوني ( اضحيَّه ) ..!!!!
وياهو اللي تسأله ..
ایگول : آنا صافي النيَّه !!!!
وخذوا من عندي كلشي
اوگالوا : اخطيَّه ..!!!
هاي امصيبتي .. وتگلی عيديَّه ..!!
اذا تصدق تريد اوياي..
خل اگلوبنه تصبح گلب واحد ..
ونْطِگْ ابوجه كل الحراميَّه
او نسوّي العيد .. يوميَّه
وبعد شتريد ..؟؟؟
والله الگلب
أهديه إلك عيديَّه
