في مرحلة نضالية من الحقبات الماضية خرجنا في تظاهرة وكان الشعار الذي نهتف به هو ( تأميم النفط سبعين بالميَّة ) وأثناء مسير التظاهرة حدثت أعمال شغب من أجل تفريقها - التظاهرة - وكنتَ قريباً من أحد المتظاهرين حين أُصيبَ بـ ( توثيَّه ) على رأسه وسقط أرضاً ، لكن الرجل بعد أن صحى ، وثب كالأسد وبدل أن يردد تأميم النفط سبعين بالميَّة ، صرخ بصوته الجهوري العالي ( تأميم النفط 90% تسعين بالميَّة ) وإستمرَّت التظاهرة تهتف بالزيادة الجديدة الى أن تفرَّقت .. يجب ان تعلم أية حكومة مهما كانت إذا لم تعالج هذا الموضوع وتوصل للشعب حصتَّه ستكون كسابقاتها والكل يعرف إن الشعب المظلوم ( إيشوِّر ) إعطوا الشعب حقَّه قبل أن يجف عرقه ويفلت الزمام ويوم لا ينفع الندم .. وشكراً للإعلاميين في كل موقع إعلام حيث أوصلوا للشعبِ معلوماتٍ عن كل فاسدٍ وخبيث وأصبح الشعب في علم اليقين ..

******************

حقنه امنلنفُط تسعين بالميَّه

راحت كلهه بكروش الحراميَّه

*************

من يوم الخلصنه من ابوالحفره

ماواحد رحم ياناس هالفقره

حتى اطفالنه لا درس لا تقره

بس اولادهم تضمن العلميَّه

شنسوّي اذا كلهم حراميّه

***********

وين الكهربا والماي يا إسلام ؟

ملياراتنه ابيا جيب گولوا تنام

گلنه راح ذاك الوكت راح اصدام

واحد راح شو صرتوا خمسميَّه

***********

عدمن نشتكي وياهو الذي يسمع

السياسي گعد فوگ الكرسي يتربَّع

ومن اتحاسبه ايجاوبك بالمدفع

چاوین الحچی ، اتگولون سلميَّه

***************

اگعدو حاسبونه الثروه راحت وين

عراق الخير هذا النفط والنهرين

بدل ماينبني غارگ طلع بالدين

    وچماله الدم المسفوك يوميَّه

***********

يجي باچر قريب الناس كلهه اتشوف

او يرجع كل حرامي ابحسرته لحروف

ويرد الوطن لهله وتتِّحِد لصفوف

او نبنيه بالضماير صادقه النيَّه

وينظف كل وطنَّه امن الحراميَّه

• إنتصارات جيشنا في جرف الصخر يعني بداية النهاية لقذارات داعش.. شعر جواد القابجي
• مدوّنة خطيره..
• الى عموم أهلنا في العراق وأهل البصرة الكرام.. معاناة يجب ان تنتهي.. جواد القابجي
• عليمن نعتمد... شعر: جواد القابجي
• الحرامية.. شعر: دواد القابجي