والمولدة مضكورة بالكتب .. وكَبل جانت وحدة اسمها ولادة بس ابوها مستكفي ومامحتاج شي ويمكن حتى كهرباء عدهم .. لأن تمشي مشيتها وتتيه تيها !! تكَول :
أنا والله اصلح للمعالي
وامشي مشيتي واتيه تيها
وأمكن عاشقي من صحن خدي
واعطي قبلتي من يشتهيها
باختصار .. يعني اللي يريد ماتقصر وياه ولادة .. لاسيما بعد ارتفاع نسبة الوطنية (الكهرباء مو غير شي !!) لذلك ولادة تريد تستفيد فاصبحت تنافس الوطنية وتوزع (محنّة) في ظل غياب العاطفة الوطنية !! ماعلينا بالوادم .. عندي صديق هم شاعر وهم مايسكت ابد !! ومن صارت طلابة المالكي والتيار الصدري وصار تبادل التصريحات .. يكول صديقي الشاعر عماد كاظم عبد الله ان صاحب المولدة ماقبل يشغل لأن المالكي صرح ضد السيد !! مع ان المواطنين دافعين فلوس مال شهر مقدما .. بوية .. حجي عمي !! ياصاحب المولد .. انسى تصريح المالكي وتذكر ان السيد مايقبل بالحرام ولا الاسلام يقبل بالحرام !! لو ترجع فلوس الوادم لو تشغل بالتي هي احسن .. ولو مااعرف شنهي التي هي احسن لأن اسمع بيها وماشايفها .. خوما افتهمتوني صح !! المولدة وصاحبها والشاعر الشاهد كلهم بالعبيدي يعني يم خادم بغداد !!
