الأمثال العربية والعراقية لها مكانة رفيعة، منزلة مرموقة. لها أغراض وأهداف، شكل ومضمون. انتهى بعضهم الى إنها من ابلغ الحكم، لاجتماع الناس عليها، وهم لا يجتمعون على ناقص أو مقصر في الجودة.

 فالأمثال في كل شعب خلاصة التجربة، محصول الخبرة، المرآة التي تنعكس على صفحات العادات والتقاليد، الأخلاق، الأفكار وسائر الحياة المجتمعية .

كانت الأمثال في القرآن الكريم قد بلغت الغاية القصوى في الأهمية، كذلك في الشعر وبقية فنون الأدب، لما بلغته من براعة التصوير، دقة التعبير، تناولها ينير للإنسان طريقه.

قال تعالى:( ويضرب الله الأمثال للناس لعلهم يتذكرون).

الأمثال ظلت في أساليب تعبيرها من صور فكرية، مفصحة عن عقلية العامة. هذه منتخبات من الأمثال العراقية برمزيتها تقترب من المصطلحات والمفاهيم السياسية الشائعة بعد 2003 .التقارب لا يعني التعميم انما يقترب من البعض وهذا التبعيض له نسبته في الشمول في مجتمعنا والأمثال من مصادر .

1ـ الدكتاتورية: تريد أرنب اخذ أرنب تريد غزال اخذ أرنب.

2ـ حضر التجوال: حصرة الچلب بالجامع.

3ـ المعارضة: الماينوش العنب يگول حامض.

4ـ الدستور: لا احم ولا دستور.

5ـ الفوضى الخلاقة: ضرط وزانه وتاه الحساب.

6ـ الناطق الرسمي: ثلثين المراجل للبرم.

7ـ الگوتا: الحرمه بشارب الخير.

8ـ المقاعد التعويضية: من قلة الخيل شدو عالچلاب سروج.

9ـ المحكمة الاتحادية: كل لشه تتعلگ من كراعه. 

10 ـ أداء اليمين: ֡گالو للحرامي احلف گال اجاك الفرج.

11ـ لجنة تقصي الحقائق: عصفور كفل زرزور وثنينهم طياره.

12ـ المخبر السري: بالوجه مرايه وبالگفه سلاية.

13ـ التكنو قراط: سبع صنايع والبخت ضايع.

14ـ العلمانية: مال اللبن للبن ومال الماي للماي.

15ـ الموازنة: انت هص وآني هص وكل شي بالنص.

16ـ الانتهازية: البزون يگيف بعمى أهله.

17ـ البراجماتية: إذا شغلتك يم الچلب سمي حجي چليب.

18ـ الشفافية: اليقره هندي واليسمعون أهل الجريبات.

19ـ خلية أزمة: شليله وضايع راسه.

20ـ الاعمار بالآجل: من (طي..) نوفي الديانه. 

21ـ اللوجستية: يگله للحرامي بوگ ولبو البيت اتنطر.  

22ـ الأكثرية السياسية: العده حبايب... 

23ـ الحرية: فالتوه ـ كلمن اله. 

24ـ الدعاية الانتخابية: أواعدك بالوعد وسگيك ياكمون.

25ـ أكبر الأعضاء سنا: رجليه متلولحه بالگبر.

26ـ الأقاليم: كلمن يتمدد على گد غطاه.

27ـ الطائفية: مايبچي عالحسين يبچي عالهريسه !.

28ـ الثيوقراطية: لا تغرگ العمايم أكثر الرگي فطير. 

29ـ المناطقية: احنه ولد رگية واحدنه يعرف أخيه.

30ـ دول الجوار: كومه حجار ولا هالجار. 

31ـ وثيقة الشرف: انه واخوي على ابن عمي وانه وابن عمي عالغريب.

32ـ الخدمة الجهادية:  حمدونه من جبنه عبينه وكسرنه گحوف برجلينه. 

33ـ الرأي العام: الياخذ أمي يصير عمي.

34ـ الولاية الثالثة: الگدر مايگعد إلا على ثلاثه.

35ـ الفلول: أگله ماني حمد.. يگلي أنت حمد. 

36ـ التهديد بالملفات: إمام المايشور يسموه أبو الخرگ. 

37ـ الخطة الأمنية: انهجم بيت البانية شگد تنفخ !.

38ـ التجاذبات السياسية: بين حانه ومانه خلصت لحانه. 

39ـ الإجتثاث: درب الچلب عالگصاب.

40ـ مؤتمر قمة: جيب ليل وخذ عتابه.

41ـ التعويضات: خل ياكلون بصاية خالهم.

 42ـ الصولة: جابتنه الفارة تطف بينه لونها جريدي گطع تالينه.

43ـ خطة الطوارئ: غاب القط العب يا فار.

 44 ـالمادة 4 إرهاب: لمن يثبت نفسه حصيني يروح جلده للدباغ !.

45ـ اكمال النصاب: كملت السبحه.

46ـ السيرة الذاتية: اليدري يدري والمايدري گضبة عدس.

47 ـ البطاقة التموينية: مثل عش الگطه لا فراش ولا غطه.

48ـ كشف الذمة المالية: سألوا البغل: منو أبوك ؟ گال: خالي الحصان.

49ـ الايفادات: مرگتنه على ازياگنه.

50ـ الاعتصامات: بالريش.

51ـ العفو العام: ذيل الچلب حطو بالگصبه ما انعدل.

52ـ النخب: مثل خلالات العبد.

53ـ حق اللجوء: راح الخيط والعصفور. 

54ـ البنى التحتية: الفوك هلا هلا والجوه يعلم الله.

55ـ الخلايا النائمة: لفتنه الحصبه والجدري وأبو خريان ما يدري !.

56ـ التحالف: عرب وين طنبور وين !.

57ـ ائتلاف: جزنه من العنب ونريد سلتنه.

58ـ التوافق: على حس الطبل خفن يرجليه.

59ـ الكاتم: ضرطه وضايعه بسوگ الصفافير. 

60ـ المربع الأول: تي تي تي تي مثل مارحتي اجيتي.

61ـ الأجندات الخارجية: چلبك عوى وبيتك دوى وخبزك فطير ولا استوى.. يامن گلت گلهن سوى!.

62ـ النظام السابق: آخ يرجلي الأولي اسود وجنه كاولي، وآخ يرجلي التالي ابيض وجنه هلالي !.

63ـ الصفقات و العقود: بالسفينه ويفكس عين الملاح. 

64ـ الكـتلة: واحد تافل بحلگ اللاخ.

65ـ السياسة النفطية: أم النخل تتطلب من الطواشة !.

66ـ رفع الحصانة: تحارش البين بابن النايحه.

67ـ الحكومة المحلية: اللي حصله من الحرامي انطاه لفتاح الفال.

68ـ العلاقات الخارجية: بكل خرابة خليلك گرابه.

69ـ عبعوبيات: الطول طول النخله والعقل عقل الصخله.

70ـ التصريحات: البعير لو يشوف حدبته چان انكسرت رگبته.

71ـ المجلس الوطني للسياسات:لا حظت برجيله ولا خذت سيد علي !. 

72ـ اسقاط النظام: جبت الاگرع يونسني كشف راسه وخرعني. 

73ـ سحب الثقة: ان غلبتيني اخذيني وان غلبتچ اخذچ .

74ـ سحب البساط: اثنين وأمهم، وين ينام عمهم ؟.

75ـ أيديولوجية: أطعم عدوك من راس الجدر وگله: هاك لا هناك.

76ـ البرنامج الانتخابي: الباچرات هواي.

77ـ المهرجانات: بيت الطرب ماخرب. 

78ـ الكفاءات: حيف على تعب التعبتيه وطين العلى راسچ نكلتيه.

79ـ التعيينات:خالتي وبت خالتي والغريبه فضالتي.

80ـ الاتفاقية الأمنية: ظل البيت لمطيره وطارت بي فرد طيره. 

81ـ الرواتب التقاعدية: بايته جوعانه ورجله خباز !.

82ـ المرشح: بالأكل خريط وبالوفا ضريط.

83ـ المرشحة: ابو اربعطعش وذاك المال والجمال والنخل حمال.

 84ـ الناخب: حظي بكل شي اسود بس بالرگي ابيض. 

85ـ نهاية النفق: امشي على العويص ولا تمشي على اللصيص.

86ـ الخروقات الأمنية: تگله: هذا السبع يگلك: ذاك اثره. 

87ـ منظمات المجتمع المدني: جت العليله للعليله تشتچي، كل نفع ماحصلت بس دوختها بالحچي. 

88ـ السونار: خروعة خضره.

89ـ المحاصصة: كلمن يحود النار لخبزته.

90ـ مخاض العملية السياسية:البومه من يصير عده فريخ تضرگ عليه، يگلوله ليش مو هذا وليدچ ؟، تگول شراح يصير غير بومه.

91ـ اتفاقية اربيل:حطه وراه مد ايده للخرج.

92ـ العد والفرز: الاجاويد مزابل والانذال عنابر. 

93ـ الانتخابات: ابو گريوه يبين بالعبره.

94ـ اللجان التحقيقية: سالفة الحية كلما تنحچي تطول.

95ـ الاصلاحات: الشگ چبير والرگعه زغيره.

96ـ لجنة الحكماء: حرامي الماتلزمه چم عصا تضربه؟.

97ـ الكابينة الوزارية: حاميها حراميه.

98 ـ التسقيط السياسي: يامن تعب يامن شگه يامن على الحاضر لگه!. 

99ـ الصراع على الكراسي: المايلزم الجدح بيده ما يرتوي. 

100ـ مؤتمر دولي لمكافحة الارهاب:قيم الرگاع من ديرة عفچ !.

101ـ قانون الاحوال الشخصية الجعفري: اخذ مطلگات الزمان ولا تاخذ مطلگات الرجال.

102ـ الأحزاب:  تلاگى الخاش والخشخاش گله: مرحبا قرداش.

103ـ حقوق الانسان: ضربني واشتكى وغلبني بالبكا. 

104ـ النزاهة: احبك يانافعي. 

105ـ نقطة نظام: هي نگطه لو جره ؟.

106ـ قبة البرلمان: حبايه حبايه تصير كبايه.

107ـ الاثنية: حجاره الماتعجبك تفشخك!.

108ـ الشائعات: مگدر اگولن بغلتي ببريجي.

109ـ التعددية: اللي بيته من جام لا يضرب الناس بالحجار.

110ـ الفدرالية: رمانتين بفد ايد ماتلزم.

111ـ التظاهرات: البصلة تگل للثومة : يا غبره ويا ميشومه.

112ـ الخطاب: اگعد اعوج واحچي عدل.

113ـ المنطقة الخضراء: الماء والخضراء والوجه الحسن.

114ـ الوقف: أعمى وچلب بشباچ الكاظم. 

115ـ السياسة النقدية: باگه لا تحلين وخبزه لا تثلمين واكلي لما تشبعين. 

116ـ المعايشة: يتعلم حجامه بروس اليتامى.

117ـ بودي كارد: ايده بالدهن.

118ـ المصداقية : اليحچي صدگ طاگيته مزروفه. 

119 ـ الديمقراطية: حسب فهم البعض، من مقطعين.. الأول(دي) تقال للحمار والثاني(مطية) تقال للحمارة، اماالفائض من المقطع هو(ارق) الدماء والثروات والخيرات ليعود من الديمقراطية الى الديكتاتورية، يقابلها في القاموس العراقي: بگيف منسي يريد يضرط يريد يفسي ! .