من المضكورات المهمة بالكتب هي سالفة الشروق !! والشروق انواع .. منها شروق الشمس وشروق الامل .. وشروق المستقبلواهلنا كَبل يكعدون بالمشراكَة !!ولأن من الجنوب يسمونهم شروكَية !!والشروكية شبعوا ضيم .. جانو يزرعون وغيرهم ياكل .. ودائما يكملون الحصاد كبل الناس ( لاتفتهوني صح) والزرع مالهم يروح للخفكَات النايمات للظهر .. توصل بيادر الحنطة لبيوتهم والوادم اهل الخير الاصليين جوعانين .. هاي السالفة تضكرتها كبل ايام من رحت للديوانية !!والديوانية منطقة زراعية و مضكورة بالكتب ، لأن هي كلمة جاية من الديوان .. والديوان اشكال بس شكد اضوج من يطلع برنامج ديوان الريف بايام النظام الساقط بن الساقط .. ماعلينا .. المهم الديوانية عند اهلنا هي غرفة الاستقبال .. يعني تشبه المضيف ..لذلك كلما اروح للديوانية اكول اني طبيت للجنوب فلازم ادخل للمضيف بالديوانية .. صدك الديوانية بعدها منطقة زراعية ؟؟ ماعلينا بالوادم . بس لو ترجع منطقة زراعية جا صارت عاصمة العراق الزراعية مثل البصرة عاصمة العراق الاقتصادية !! وجان زالت كل العراقيل امام (شروكَـ ستان ) .
