شارع السراجي... دراما ساخرة

ابو ابراهيم. اي والله غرگنه..والبارحة ما نايمبن بس ملتهين نوزع جدوره وطوس لأن السگف خررر علينه..والطرگاعةﺍﻟﺜﺎﻧﻴﺔ هذا الشارع هم يدخل ماي علينه للبيت..حفروه اولاد الـ.. استغر الله هسه يخلوني افشر من الصبح.. الله لا ينطيهم

ابو اسماعيل..اي والله يا خويه..كل العالم عدهم المطر نعمة بس احنه عدنه نقمة..تغرگ شوارعنا، تطفح مجارينا،،تخر بيوتنا..الله لا ينطيهم هذوله المسعولين

ابو ابراهيم.هسه ذوله منعولين الوالدين حفروا الشارع صار 6اشهر ،لا هم مخلينه على على حاله ولاهم مسوينه ، خربوه وراحو.

ابو اسماعيل. اي والله ابو ابراهيم حته سياراتنا تفلشت من الطسات الي سووها..هسه ماكو مسؤول ،،قايمقام يتعده منا ويشوفه..ما ادري والله

ابو ابراهيم.هسه هذا المحافظ يگولون ملتهي بصاحبته هالايام ويومية ماخذه للانكريز

وهذا البزوني يگولون ما يسوي شي حديدة على الطنطل

والقايمقام ملتهي بطلابتهم ويه بيت الغانم ويخاف يتعده من هذا الشارع عباله يكضوله الدرب ويكتلونه،تدري بعد هو من الحساويه

وهذا السبيطي ما ادري السريطي بس يحچي وما بيه خير

ابو اسماعيل. خويه هو هذا السريطي بيته ما ضابطه بعد يسويلنه شارع

ابو ابراهيم. وهذا واحد اسمه سيد عباس خابصنه يومية بالرايدو وبس يهذي ومية مرة گلناله وهم ما دبرها..چا ما تگلي وين نروح وين نولي .. ولكم مناعيل الصفحة هو شارع هالطويلته ، موو چان زين ليش حفرتوه وخربتوه..اولاد الـ....استغفر الله

ابو اسماعيل .ههههههه والله يا ابو ابراهيم سوالفك هاي ما تبطل منها..خوية الحچي ما يفيد ..انا البارحة شفت بالتلفزيون اكو ناس بالديوانية عدهم نفس المشكلة ورايحين مشتكين على المقاول والمحافظة بالمحكمة.. والقاضي مشكيهم ، ليش ما نروح انا وياك وناخذ ويانا ابو جاسم ونشوف ابوكريم هم وابو محمد ونروح نشتكي ،،بلمي يصيرلنه حل

ابو ابراهيم.. عمي انا اول واحد اروح وياك ..هسه بس البس دسداشتي واحط اعگالي على راسي واجيك،،

مشه خطوتين وزلگ بعتبة الباب وطاح ..اخ .. بويه.. انكسرت.. نعله على والديهم

مقالات اخرى للكاتب

أضف تعليق

نطلب من زوارنا اظهار الاحترام, والتقيد بالأدب العام والحس السليم في كتابة التعليقات, بعيداً عن التشدد والطائفية, علماً ان تعليقات الزوار ستخضع للتدقيق قبل نشرها, كما نحيطكم علماً بأننا نمتلك كامل الصلاحية لحذف اي تعليق غير لائق.